ខេត្តត្បូងឃ្មុំ ៖ កំលាំងជំនាញរបស់អធិការដ្ឋាននគរបាលស្រុកពញាក្រែកនៃស្នងការដ្ឋាននគរបាលខេត្តត្បូងឃ្មុំបានឃាត់ជនសង្ស័យ ៤នាក់តាមបណ្តឹងជនរងគ្រោះពាក់ព័ន្ធនឹងបង្កហិង្សា ។
ជនរងគ្រោះដែលបានដាក់ពាក្យបណ្តឹងមាន៣នាក់ ១-ឈ្មោះរ៉ាន ចិត ភេទប្រុស អាយុ២៥ឆ្នាំ ២-ឈ្មោះនៅ រិត ភេទ ប្រុស អាយុ២៣ឆ្នាំ និង ៣-ឈ្មោះ យាប ភារៈ ភេទប្រុស អាយុ២៨ឆ្នាំ ។ អ្នកទាំង៣នាក់មានទីលំនៅភូមិព្រៃទទឹងឃុំត្រពាំងផ្លុងស្រុកពញាក្រែកខេត្តត្បូងឃ្មុំបាន ដាក់ពាក្យបណ្តឹងទៅសមត្ថកិច្ចនគរបាលកាលពីថ្ងៃទី១៩ ខែមករា ឆ្នាំ២០១៨ ។
យោងតាមពាក្យបណ្ដឹងបញ្ជាក់ថា អំពើហឹង្សាដោយចេតនាកេីតឡេីងវេលាម៉ោង៨យប់ ថ្ងៃទី១៨ ខែមករាឆ្នាំ២០១៨ នៅចំណុចភូមិបុស្សចេកឃុំត្រពាំងផ្លុងស្រុកពញាក្រែកខេត្តត្បូងឃ្មុំ។
លោកវរសេនីយ៍ទោ អោម មុន្នីវណ្ណ បានអោយដឹងថាក្រោមការចង្អុលបញ្ជារបស់លោកឩត្តមសេនីយ៍ស្នងការនិងលោកឩត្តមសេនីយ៍ស្នងការរងទទួលផែនព្រហ្មទណ្ឌនគរបាលខេត្ត បានសហការជាមួយកំលាំងប៉ុស្តិ៍រដ្ឋបាលឃុំត្រពាំងផ្លុងបចុះស្រាវជ្រាវចងក្រងឯកសារ កំណត់មុខសញ្ញាជនសង្ស័យ និងតាមប្រម៉ាញ់រហូតឈានដល់ការឃាត់ខ្លួនបានជនសង្ស័យចំនួន៤នាក់ ៖
១.ឈ្មោះ ឈន កញ្ញា (ហៅឆុយ)ភេទប្រុសអាយុ២១ឆ្នាំជាតិខ្មែរ
២.ឈ្មោះ ទូច យនភេទប្រុសអាយុ២៥ឆ្នាំជាតិខ្មែរ
៣.ឈ្មោះ រឹម និល ភេទប្រុសអាយុ១៨ឆ្នាំជាតិខ្មែរ
៤.ឈ្មោះ ឆូយ លិភេទប្រុសអាយុ ២៣ឆ្នាំជាតិខ្មែរ
មានទីលំនៅភូមិបុស្សចេកឃុំត្រពាំងផ្លុង
ស្រុកពញាក្រែកខេត្តត្បូងឃ្មុំ។
បច្ចុប្បន្នជនសង្ស័យទាំង៤នាក់កំពុងត្រូវបានបញ្ជូនខ្លួនមក អធិការដ្ឋាននគរបាលស្រុកពញាក្រែកដេីម្បីកសាងសំណុំរឿងទៅតាមនិតិវិធី ៕ វណ្ណៈ
