អគ្គរដ្ឋទូតអាមេរិកប្រចាំនៅអង្គការសហប្រជាជាតិ លោកស្រី Nikki Haley បានច្រានចោលនៅពាក្យចចាមអារាម ដែលបានផ្សព្វផ្សាយតាមបណ្តាញអិនធឺណែតថា លោកស្រីមានទំនាក់ទំនងស្នេហាជាមួយប្រធានាធិបតីដូណាលត្រាំ ។ លោកស្រីបានបញ្ជាក់ថា៖ ព័ត៌មានខាងលើគឺខុសពីការពិតទាំងស្រុង។
សារព័ត៌មាន Guardian កាលពីថ្ងៃទី២៦ខែមករាបានផ្សាយថា៖ អគ្គរដ្ឋទូតអាមេរិកប្រចាំនៅអង្គការសហប្រជាជាតិ ដែលជាមន្ត្រី ក្រោមឱវាទរបស់លោកត្រាំដែលជាស្ត្រី ហើយបង្ករឲ្យមានពាក្យចចាមអារាមថា ពីទំនាក់ទំនងខុសប្រក្រតីជាមួយប្រធានាធិបតី ។
ពាក្យចចាមអារាម បានផ្សព្វផ្សាយ តាមបណ្តាញ អិនធឺណែត ក្រោយពេលអ្នកសារព័ត៌មាន Michael Wolff ជាអ្នកនិពន្ធសៀវភៅ Fire And Fury : inside the trump white house បាននិយាយនៅក្នុងកម្មវិធីទូរទស្សថា «ជាការពិត»ប្រធានាធិបតីត្រាំកំពុងតែ មានទំនាក់ទំនងខុសប្រក្រតី។
លោកស្រី Haley បាននិយាយនៅក្នុង បទសម្ភាសន៍មួយជាមួយបណ្តាញព័ត៌មានPolitico ថា «ការចោទប្រកាន់នោះមិនម៉ែនជារឿងត្រឹមត្រូវនោះឡើយ»។ លោកស្រី Nikki Haley បញ្ចាក់ទៀតថា អ្នកសារព័ត៌មាន Wolff មានកំហុសពីព័ត៌មាន នៅក្នុងសៀវភៅដែលលោកសរសេរថា« ប្រធានាធិបតីត្រាំនិង លោកស្រី Nikki Haleyបានឆ្លងកាត់នៅពេលវេលាផ្ទាល់ខ្លួន នៅលើ យន្តហោះ Airforce one សម្រាប់ដឹកប្រធានាធិបតី។
លោកស្រី Nikki Haley បញ្ជាក់ថា«ខ្ញុំបាននៅលើយន្តហោះ នោះតែម្តងគត់ ហើយមានមនុស្សជាច្រើន នៅក្នុងបន្ទាប់ជាមួយគ្នា»។
លោកស្រី Nikki Haley អាយុ៤៦ឆ្នាំ បានរៀបការ ២០ឆ្នាំកន្លងមកហើយ មានកូនពីរនាក់ នឹងជាស្ត្រីដំបូងដែលបានតែងតាំងកាន់តំណែងអភិបាលរដ្ឋ south Carolina ជាជនជាតិអាមេរិកដើមកំណើតឥណ្ឌាទីពីរនៅក្នុងប្រវត្តិសាស្ត្រអាមេរិក។
លោកស្រី Nikki Haley ត្រូវបានគេចាត់ទុកថា ជាបេក្ខភាពដ៏មានអត្ថិពលរបស់គណបក្សសាធារណរដ្ឋនៅក្នុងការបោះឆ្នោតជ្រើសរើសប្រធានាធិបតីនាពេលអនាគត់។ លោកស្រីធ្លាប់បានប្រកាសថា មិនមែនជាអ្នកគាំទ្រដល់លោកត្រាំនៅក្នុងការបោះឆ្នោតកាលពីឆ្នាំ២០១៦នោះឡើយ៕
ដោយ៖ មែវ សាធី
