ភ្នំពេញ៖ អគ្គិភ័យបានឆាបឆេះប្រអប់ភ្លើងស្ថិតនៅតាមបណ្តោយផ្លូវព្រះមុនីវង្ស ច្រមុះជ្រូកក្បាលថ្នល់ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។ ហេតុការណ៍នេះបានកើតឡើងកាលពីវេលាម៉ោង១២និង៣០នាទី ថ្ងៃទី៣០ ខែតុលា ឆ្នាំ២០១៥ ។

សមត្ថកិច្ចកំពុងធ្វើអន្តរាគមន៍ ដោយមានឡានទឹកផងដែរ បាញ់ទឹកពន្លត់ រហូតដល់ម៉ោង១និង៦នាទីរសៀល ថ្ងៃដដែល អគ្គិភ័យនេះបានរលត់ទៅវិញទាំងស្រុក ដោយការអន្តរាគមន៍​ពីសមត្ថកិច្ច និងរថយន្តពន្លត់អគ្គិភ័យ។

ករណីនេះមិនបណ្តាលឲ្យខូចខាតលំឋានពលរដ្ឋដែលនៅក្បែរនោះឡើយ ។ ខូចខាតតែប្រអប់ភ្លើង និងផ្ទាំងប៉ាណូតិចតួចតែប៉ុណ្ណោះ ៕

ដោយ៖ ស រស្មី