អគ្គីភ័យ ឆាបឆេះក្រុមហ៊ុន First Cambodia ស្វាគមន៍មុនថ្ងៃសែនចិនមកដល់ ទាំងយប់នៅផ្សារកណ្ដាល

ភ្នំពេញៈ​ អគ្គីភ័យ ឆាបឆេះក្រុមហ៊ុន First Cambodia មួយកន្លែងស្ថិតក្នុងសង្កាត់ផ្សារចាស់​ ខណ្ឌដូនពេញ​ រាជធានីភ្នំពេញ​កាលពីម៉ោង​ជាង៨​យប់ថ្ងៃអង្គា ១៣រោច ខែមាឃ ឆ្នាំរកា នព្វស័ក ព.ស ២៥៦១ ត្រូវនិងថ្ងៃទី១៣ ខែកុម្ភៈ ឆ្នាំ២០១៨ បណ្តាលអោយរងការខូចខាតសម្ភារមួយចំនួនធំបង្កកាភ្ញាក់ផ្អើល ដល់ប្រជាពលរដ្ឋ និង សមត្ថកិច្ចចុះអន្តរាគមន៍ទាំងយប់​ ។

​ អាជ្ញាធរមូលដ្ឋានដែលចុះដល់កន្លែងកើតហេតុបានអោយដឹងថា​ ដំបូងឡើយប្រជាពលរដ្ឋបានឃើញផ្សែងហុយចេញពីបន្ទប់ជាន់ទី១​ នៃទីក្រុមហ៊ុន First Cambodia ក៏បានរាយការណ៍មកអាជ្ញាធរ​ ..ហើយភ្លាមៗនោះ​ អាជ្ញាធរមូលដ្ឋានបានដឹកនាំកម្លាំងសមត្ថកិច្ចខណ្ឌ​ ,កម្លាំងប៉ុស្តិ​ រួមជាមួយកម្លាំងប្រជាការពារខណ្ឌ,សង្កាត់​ សហការជាមួយកងកម្លាំងបង្កានឹងពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញ​ បានចុះអន្តរាគមន៍ពន្លត់អណ្តាតភ្លើងដែលកំពុងឆាប់ឆេះក្នុងបន្ទប់អគារ​ ក្រុមហ៊ុន First Cambodia ។ អាជ្ញាធរបន្តថា​ ក្នុងប្រតិបត្តិការពន្លត់អគ្គិភ័យខាងលើនេះ​ គឺដោយសារស្ថានភាពអគារដែលត្រូវរងការឆាប់ឆេះនេះពិបាកធ្វើអោយកងកម្លាំងទាញទុយោទឹកឡើងបាញ់ដល់បន្ទប់ជាន់ទី១​ ប៉ុន្តែកម្លាំងអន្តរាគមន៍បង្កានឹងពន្លត់អគ្គិភ័យ​ បានបញ្ជារថយន្តពន្លត់អគ្គិភ័យខ្នាតធំដែលអាចដំឡើងទុយោបាញ់ចូលក្នុងបន្ទប់ដែលមានកម្ពស់ខ្ពស់​ ទើបអាចគ្រប់គ្រងស្ថានការនៃអគ្គិភ័យនេះបានមិនអោយរាលដាលធំដុំដល់លំនៅដ្ឋានប្រជាពលរដ្ឋនៅក្បែរនោះ។

​ នាយការិយាល័យបង្កានឹងពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញលោក​ ព្រហ្ម​ យ៉ត​ បានអោយដឹងថា​ ទំហំនៃការឆាប់ឆេះនៅមិនអាចវាយតម្លៃបាននៅឡើយទេ​ តែសម្ភារដែលខូចខាតអាចភាគច្រើនជាគ្រឿងលំអរក្នុងបន្ទប់នឹងសម្ភារប្រើប្រាស់​ផ្ទាល់ខ្លួនប៉ុណ្តោះ​ ដោយមិនមានប៉ះពាល់ដល់មនុស្សនោះទេ​ ។ លោកបន្តថាក្នុងប្រតិបត្តិការនេះ​ រថយន្តពន្លត់អគ្គិភ័យចំនួន១៣គ្រឿងបានចុះមកដល់កន្លែងកើតហេតុ​ គឺរថយន្តរបស់ស្នងការរាជធានីភ្នុំពេញ​១២គ្រឿង​ នឹង​ រថយន្តរបស់ក្រុមហ៊ុនស្រាបៀកម្ពុជា​ ១គ្រឿង​ ដោយប្រើទឹកទាំង១៣គ្រឿងតែម្តង​ ហើយចំពោះការអន្តរាគមន៍ពន្លត់អគ្គិភ័យនេះគឺប្រើរយះពេលជាង២ម៉ោងទើបអាចគ្រប់គ្រងបានអោយរលត់សូន្យសុងទៅវិញ។

​ ជាមួយគ្នានោះដែលលោក​ សុខ​ ពេញវុធ​ អភិបាលនៃគណៈអភិបាលខណ្ឌដូនពេញដែលចុះដល់ទីតាំងកើតហេតុផ្ទាល់​ បានសំណូមពរដល់បងប្អូនប្រជាពលរដ្ឋទាំង​អស់ត្រូវមានប្រុងប្រយ័ត្នអោយបានច្រើនចំពោះ​ ភ្លើងធុប​ ទៀន​ នឹងការប្រើប្រាស់ចរន្តខ្សែភ្លើង​ នឹងកំប៉ុងហ្គាស​ ព្រោះឱកាសបុណ្យចូលឆ្នាំ​ចិន​ ,វៀតណាមក៏ខិតជិតមកដល់ដែល​ ដូច្នេះយើងត្រួវការពារនឹងប្រុងប្រយ័ត្នអោយបានខ្ពស់បំផុត៕ជ្រោយពេជ្រ

ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print