ខេត្តកំពង់ធំ៖ នៅវេលាម៉ោងប្រហែលប្រមាណជា ៥ និង ១០ នាទីព្រឹកថ្ងៃទី ១៦ ខែកុម្ភះ ឆ្នាំ២០១៨នេះ មានករណីឆេះសាលាឆាន់ ទំហំ ២៥គុណ ៣៥ ម៉ែត នៅវត្តតាំងក្រសៅ ដែលស្ថិតនៅឃុំតាំងក្រសៅ ស្រុកប្រាសាទសំបូរ ខេត្តកំពង់ធំ។
(មូលហេតុនៃការឆេះ ដោយសារ ភ្លើងដែល ដូនជី តាជី ឆ្អើរ អន្សម)សម្ភារដែលឆេះមានចាន ឆ្នាំង សៀវភៅ ព្រះធម៌ ព្រះពុទ្ធអង្គ ជាង៣០ ព្រះអង្គ ព្រមទាំងសម្ភារដែលប្រើប្រាស់ផ្សេងទៀតសម្រាប់បម្រើការធ្វើចង្ហាន់ ក្នុងការផ្គត់ផ្គង់ព្រះសង្ឃប្រចាំថ្ងៃ ។ ករណីnVពុំមានគ្រោះថា្នក់ដល់ព្រះសង្ឃនោះទេ ព្រោះព្រះសង្ឃគង់នៅទីនោះ តែមួយអង្គ។ សម្ភារដែលយកចេញបាន មាន ស្គរធំ ១ និង មេក្រូ ១ ប៉ុណ្ណោះ។
ប្រជាពលរដ្ឋទូទាំងភូមិជួយពន្លត់ តែមិនអាចជួយបានព្រោះភ្លើងឆេះលឿនពេក រីឯឡានទឹកទៅមិនទាន់ បើតាមប្រជាពលរដ្ឋនៅទីនោះ បញ្ជាក់ថា ការឆាបឆេះ រយៈពេលឆាបឆេះខ្លាំងប្រហែលជាង ២០នាទីប៉ុណ្ណោះ ៕ ប៊ុន រិទ្ធី
...
