ខេត្តបាត់ដំបង ៖នៅលើផ្ទៃទឹកបឹបទន្លេសាបក្នុងភូមិសាស្រ្តភូមិ ព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង មានកើតហេតុការណ៍កាណូតបុកនិងកាណូតបណ្តាលឱ្យមនុស្សម្នាក់រងរបួសធ្ងន់ហេតុការណ៍កើតឡើងនៅវេលាម៉ោង ៧ និង១៥នាទីថ្ងៃទី១៦ ខែកុម្ភៈ ឆ្នាំ២០១៨។ជនរងគ្រោះជិះលើកាណូតម្នាក់ត្រូវបានគេដឹកបញ្ជូនយកទៅសង្រ្គោះជីវិតនៅមន្ទីរពេទ្យ។
សេចក្តីរាយការណ៍ឱ្យដឹងថាៈ គ្រោះថ្នាក់ចរាចរណ៍លើផ្ទៃទឹកបឹងទន្លេសាបរវាងកាណូតស្មាច់ ( កម្លាំង១៨សេះ ) ជាមួយនឹងកាណូតម៉ាស្តា ( កម្លាំង៣០សេះ ) បើកបរនេសាទត្រី ដែលបង្កឡើងដោយឈ្មោះ សុខ ជុំ ភេទ ប្រុស អាយុ ១៦ ឆ្នាំ មុខរបរ នេសាទ រស់នៅភូមិឃុំខាងលើ ( អ្នកបើកកាណូតម៉ាស្តា )។
សេចក្តីរាយការណ៍ឱ្យដឹងទៀតថាៈនៅមុនពេលកើតហេតុគឺ ជនរងគ្រោះឈ្មោះ កុង ហឿង ភេទប្រុស អាយុ ៦៥ឆ្នាំ មុខរបរ នេសាទ្រ រស់នៅភូមិឃុំជាមួយគ្នា កំពុងបើកកាណូតដើម្បីនេសាទត្រីតែម្នាក់ឯងននៅភូមិសាស្រ្តខាងលើ ។ លុះបន្ទាប់មកក៏ស្រាប់តែមានកាណូតម៉ាស្តារបស់ជនបង្ក បានបើកយ៉ាងលឿន ហើយបានជ្រុលទៅបុកពីចំហៀងទៅលើកាណូតជនរងគ្រោះ បណ្តាលឱ្យគ្រឡាប់ផ្ងាក្រោយជនរងគ្រោះបោកក្បាលទៅនឹងដែកកាណូត បែកក្បាលត្រូវគ្រូពេទ្យដេរ១៤ថ្នេរ ។ចំណែកាណូតនិងអ្នកបើកបរបង្កមិនបង្កគ្រោះថ្នាក់នោះទេ។
សេចក្តីរាយការណ៍ឱ្យដឹងទៀតថាៈ បច្ចុប្បន្ន ជនរងគ្រោះត្រូវបានសាច់ញាតិយកទៅសម្រាកព្យាបាលនៅឯមន្ទីរពេទ្យ ខេត្តសៀមរាប។ ចំណែកកាណូតទាំងពីរគ្រឿងត្រូវបានសមត្ថកិច្ចនាំយកទៅរក្សាទុកនៅ ស្នាក់ការនគរបាលចរាចរណ៍ជើងទឹក ដើម្បីរង់ចាំធ្វើការដោះស្រាយតាមផ្លូវច្បាប់៕សំ វិច្ឆិកា
