ភ្នំពេញ៖ បុរសម្នាក់បានស្លាប់ភ្លាមនៅកន្លែងកើតហេតុ ដោយសារតែជួបគ្រោះថ្នាក់ចរាចរាណ៍ជិះម៉ូតូបុកជាមួយរថយន្តកាមរីបាឡែន ។
កាលពីវេលាម៉ោង៨និង២០នាទីយប់ថ្ងៃទី១ ខែវិច្ឆិកា ឆ្នាំ២០១៥ នៅចំណុចមុខបន្ទាយ ង ៧០ តាមបណ្តោយផ្លូវជាតិលេខ៣ ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ឈ្មោះ អន ម៉ាលី ភេទប្រុស អាយុ២៤ឆ្នាំ ជិះម៉ូតូម៉ាកស៊ីរុស ពណ៌ខ្មៅ លាយក្រហម ពាក់ស្លាកលេខ នគរបាល 1.0061 ធ្វើដំណើរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ស្រាប់តែមានរថយន្តកាមរីបាឡែនមួយគ្រឿង ពណ៌ ស ពាក់ស្លាកលេខ ភ្នំពេញ 2AE-1203 ធ្វើដំណើរបញ្ច្រាស់ទិសគ្នាក្នុងល្បឿនលឿនបានជ្រុលបុកចំពីមុខពេញទំហឹង បណ្តាលឲ្យអ្នកជិះម៉ូតូស្លាប់ភ្លាមនៅកន្លែងកើតហេតុតែម្តង ៕
ដោយ៖ សុខា សែនជ័យ
