ភ្នំពេញ ៖ ជនសង្ស័យពីរនាក់ ដែលជាមុខសញ្ញាកាច់កម៉ូតូ ត្រូវបានសមត្ថកិច្ចនគរបាលប៉ុស្តិ៍ចោមចៅទី២ធ្វើការឃាត់ខ្លួន គ្រាដែលពួកគេជិះឆ្លងកាត់ប៉ុស្តិ៍ត្រួតពិនិត្យរកអាវុធជាតិផ្ទុះ ហើយត្រូវអ្នកទាំងពីរជិះត្រឡប់ក្រោយ តែ ត្រូវបានកម្លាំងដេញចាប់ទាល់តែបាន ។
ក្រោយការឃាត់ខ្លួនជនសង្ស័យទាំងពីរនាក់ នគរបាលបានចាប់យកវត្ថុតាងជាក់ស្តែងបានមួយចំនួន ៖ សោសម្រាប់កាច់កម៉ូតូ រៀងអក្សរ T ថ្នាំញៀនមួយកញ្ចប់ ទូរស័ព្ទ១ ដែកកេះ កាបូប និងមធ្យោយបាយធ្វើដំណើរម៉ូតូ មួយគ្រឿង ។
ជនសង្ស័យទាំងពីរនាក់ បានសារភាពនៅចំពោះមុខសមត្ថកិច្ចថា ឧបករណ៍ទាំងនេះជារបស់ខ្លួន កន្លងមកក៏ធ្លាប់ ធ្វើសកម្មភាពញឹកញាប់ផងដែរ ។
ជនសង្ស័យ និងវត្ថុតាង សមត្ថកិច្ចបានកសាងសំណុំរឿងបញ្ជូនទៅអធិការដ្ឋាននគរបាលខណ្ឌពោធិ៍សែន ជ័យ ដើម្បីចាត់ការបន្តតាមនីតិវិធី ។
ការឃាត់ខ្លួនជនសង្ស័យទាំងពីរនាក់ខាងលើ ធ្វើឡើងកាលពីរសៀលថ្ងៃទី២៣ ខែកុម្ភៈ ឆ្នាំ២០១៨ ឋិតក្នុងសង្កាត់ចោមចៅ១ ខណ្ឌពោធិ៍សែនជ័យ ៕ សុខា
