ខេត្តកំពង់ចាម ៖ នៅថ្ងៃទី២៧ ខែកុម្ភៈ ឆ្នាំ២០១៨ កម្លាំងជំនាញកងរាជអាវុធហត្ថខេត្ត សហការជាមួយកំលាំងមូលដ្ឋានកងរាជអាវុធហត្ថស្រុកចំការលើ ឃាត់ខ្លួនជនសង្ស័យ៤នាក់ ជាប់ពាក់ព័ន្ធនឹងករណីលួច ដែលបានប្រព្រឹត្តកាលពីថ្ងៃទី២៥ ខែកុម្ភៈឆ្នាំ ២០១៨ វេលាម៉ោង៨យប់ នៅក្នុងរោងការ ស្ថិតនៅភូមិស្ពឺ(ក) ឃុំស្ពឺស្រុកចំការលើខេត្តកំពង់ចាម ។
សង្ស័យទាំង៤នាក់ ដែលត្រូវកំលាំងកងរាជអាវុធហត្ថឃាត់ខ្លួនរួមមាន ៖
១.ឈ្មោះជាសុគា ភេទប្រុសអាយុ១៩ឆ្នាំ
២.ឈ្មោះអ៊ឹមចាន់ថនហៅញ៉ាញ់ភេទប្រុសអាយុ២២ឆ្នាំ
៣.ឈ្មោះនឿន សុខ ជា ភេទប្រុស អាយុ២២ឆ្នាំ
៤.ឈ្មោះទួន ប៉ិចភេទស្រីអាយុ៥២ ឆ្នាំ ។
អ្នកទាំង៤នាក់ខាងលើ រស់នៅភូមិថ្នល់បែកកើតឃុំស្វាយទាបស្រុកចំការលើខេត្តកំពង់ចាម ។ ចំណែកសម្ភារ:ចាប់យករួមមាន ៖ ទូរស័ព្ទដៃចំនួន២ គ្រឿង , ប្រាក់វៀតណាមចំនួន២០៤៣០០ដុង ,ម៉ូតូធ្វើសកម្មភាពមួយគ្រឿង SMX ពណ៌ខ្មៅគ្មានស្លាកលេខ ពណ៌ខ្មៅ ។
បច្ចុប្បន្ន ជនសង្ស័យ និងវត្ថុតាងខាងលើកំពុងចាត់ការតាមនីតិវិធី ៕ វណ្ណះ
