ខេត្តកណ្តាល៖ បុរសម្នាក់ត្រូវបានគេប្រទះឃើញដេកស្លាប់ផ្កាប់មុខនៅលើកំណាត់ផ្លូវជាតិលេខ៤ បង្កឲ្យមានការភ្ញាក់ផ្អើលនៅវេលាម៉ោង៣ និង៣០ នាទី ថ្ងៃទី៤ ខែវិច្ឆិកា ឆ្នាំ២០១៥ ត្រង់ចំណុចចន្លោះគីឡូម៉ែត្រលេខ២៩-៣០ ស្ថិតក្នុងភូមិត្រពាំងរាំង ឃុំព្រៃពួច ស្រុកអង្គស្នួល ។ សមត្ថ កិច្ចនគរបាលស្រុកអង្គស្នួលបានដាក់ការសន្និ ដ្ឋានថា ជនរងគ្រោះស្លាប់ដោយសារគ្រោះថ្នាក់ចរាចរណ៍ (រថយន្តមិនស្គាល់អត្តសញ្ញាណបើក កៀពេលកំពុងជិះកង់) ។
មន្ត្រីនគរបាលស្រុកអង្គស្នួលបានឲ្យដឹងថា ជន រងគ្រោះពុំត្រូវបានស្គាល់អត្តសញ្ញាណនោះ នៅក្បែរសាកសពជនរងគ្រោះកង់មួយគ្រឿង ។ ជន រងគ្រោះមាន១•៥៨ម៉ែត្រ សម្បុរខ្មៅស្រអែម អាយុប្រមាណ៤០ឆ្នាំ ពាក់អាវការ៉ូ ពណ៌ក្រហម ស្លៀកខោជើងវែង ពណ៌ពងមាន់ ។
ប្រភពដដែលបានបន្តថា សាកសពជនរងគ្រោះត្រូវបានប្រជាពលរដ្ឋប្រទះឃើញដេកស្លាប់ផ្កាប់មុខនៅលើចិញ្ចើមផ្លូវជាតិ ។ ក្រោយពីពិនិត្យរួច មកសមត្ថកិច្ច និងអាជ្ញាធរ បាននាំយកទៅតម្កល់នៅវត្តដំណាក់អំពិល ស្ថិតក្នុងឃុំដំណាក់អំពិល ស្រុកអង្គស្នួល ដើម្បីរងចាំសាច់ញាតិមកទទួល យកទៅធ្វើបុណ្យតាមប្រពៃណី ។
អធិការនគរបាលស្រុកអង្គស្នួលលោកវរសេនីយ៍ ទោ មាន សំណាង សំណូមពរដល់បងប្អូនប្រជាពលរដ្ឋណាដែលបានបាត់បងសមាជិកគ្រួសារដូចមានភិនភាគខាងលើនេះសូមមកទំនាក់ទំនងជាមួយនគរបាលស្រុក ៕
ដោយ៖ ស្អាងជ័យ
