មណ្ឌលគិរី៖ ស្ត្រីថៅកែឈ្មួញជួញដូរសត្វព្រៃនៅក្រុងសែនមនោរម្យម្នាក់ត្រូវបានជំនាញអង្គការវ៉ាយអេតសហការជាមួយកម្លាំងកងរាជអាវុធហត្ថក្រុង ចុះចាប់ដល់ក្នុងផ្ទះតែម្តង។
ការចុះបង្ក្រាបថៅកែលក់សត្វព្រៃនោះសមត្ថកិច្ចបានធ្វើឡើង នៅវេលាម៉ោង០៦ និង៣៥នាទី ថ្ងៃ ពុធ ៥ កើត ខែ ចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី ២១ ខែ មីនា ឆ្នាំ ២០១៨។
ក្នុងខណៈនោះសមត្ថកិច្ចបានឲ្យដឹងថា៖ មន្ត្រីជំនាញបានចុះឃាត់ចាប់សត្វព្រៃនៅចំណុចផ្សារគុម្ពប្ញស្សីមានម្ចាស់ឈ្មោះ សោម គឹមសាង ភេទស្រី អាយុ២៩ឆ្នាំ ជនជាតិខ្មែរ មុខរបរលក់ដូរ ស្ថិតនៅភូមិកណ្តាលសង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
សត្វព្រៃដែលចាប់រួមមាន:កាំប្រម៉ា៥១.៥ គីឡូ,
ត្រកួតរស់៤.៣០គីឡូក្រាម កន្ធាយរស់០៤គីឡូក្រាម
ក្តាន់ញ៉ែង៦.៣០គីឡូក្រាម
ឆ្មាបាងាប់៥,៣០គីឡូក្រាម
សាច់ឈ្លូស៣២គីឡូក្រាម
សំពោចងាប់២.៧០គីឡូក្រាម
ពស់ព្រៃងាប់១.៥០គីឡូ ក្រាម និងក្រពះកាំប្រម៉ា ចំនួន០៣សរុបចំនួន១០មុខស្មើរ១១២.៦គីឡូក្រាម។
ម្ចាស់ផ្ទះ និងសត្វព្រៃត្រូវបញ្ជូនទៅខណ្ឌរដ្ឋបាលព្រៃឈើខេត្តមណ្ឌលគិរី ដើម្បីចាត់ការតាមនីតិវិច្បាប់៕
ដោយៈជីវន្ត
