ភ្នំពេញ៖ សមត្ថកិច្ចខណ្ឌសែនសុខបានធ្វើការឃាត់ខ្លួនជនសង្ស័យម្នាក់ក្នុងចំណោម២នាក់ និងម្នាក់ទៀតរត់គេចខ្លួនបាត់ ដែលមានបំណងប៉ុនចូលលួចម៉ូតូមិនបានសម្រេច ។ ហេតុការណ៍នេះបានកើតឡើងនៅវេលាម៉ោង២១ និង១០នាទី ថ្ងៃទី០៤ ខែវិច្ឆិកា ឆ្នាំ២០១៥ នៅចំណុចផ្ទះលេខជួល៣៤ ផ្លូវបេតុង ភូមិបូរី១០០ខ្នង សង្កាត់ទឹកថ្លា ខណ្ឌសែនសុខ ។
តាមសំដីរបស់មត្ថកិច្ចបានឲ្យដឹងថា ជនសង្ស័យមានឈ្មោះ ប៉ូ រ៉ាត់ អាយុ១៨ឆ្នាំ មុខរបរមិនពិតប្រាកដ ស្នាក់នៅក្នុងវត្តនាគវន្ត សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។
បើតាមសាក្សីបានឃើញហេតុការណ៍នេះបានឲ្យដឹងថា ជនសង្ស័យមានគ្នា២នាក់ ម្នាក់ឈ្មោះប៉ូ រ៉ាត់ ធ្វើសកម្មភាពកាត់ច្រវ៉ាក់ទ្វារផ្ទះដើម្បីចូលទៅក្នុងផ្ទះរបស់លួចរបស់របរដែលមាននៅក្នុងផ្ទះហើយ ម្នាក់ទៀតជាអ្នកមើលផ្លូវអោយធ្វើសកម្មភាពលួចតែមិនបានសម្រេច ។
គួរបញ្ជាក់ថាដោយជនរងគ្រោះមានឈ្មោះថា ថាប់ ពុទ្ធី អាយុ២០ឆ្នាំ មុខរបរនិសិ្សត ឆ្នាំទី៣ នៅវិទ្យាស្ថានសហប្រតិបត្តការអន្តរជាតិកម្ពុជា ស្នាក់នៅផ្ទះជួល ជាន់ទី១ ផ្លូវបេតុង ក្រុមទី១ ភូមិបូរី១០០ខ្នង សង្កាត់ទឹកថ្លា ខណ្ឌសែនសុខ ។
ក្រោយពេលហេតុក៍មានកងកម្លាំងសមត្ចកិច្ចប៉ុស្តិ៍ទឹកថ្លាធ្វើឃាត់ខ្លួននិងយកជនសង្ស័យទៅប៉ុស្ត៍ទឹកថ្លាដើម្បីធ្វើការសាកសួរនិងកសាងសុំណុំរឿងបញ្ជូនទៅអធិការខណ្ឌសែនសុន ៕
...
ដោយ៖ តុង សីហា
