ខេត្តស្វាយរៀង៖ លោកស្រី អ៊ូវ័ឌីរ ដ្ឋលេខាធិការក្រសួងរៀបចំដែនដីនគរូបនីយ៍កម្ម និងសំណង់បានអញ្ជើញជាអធិបតីក្នុងវគ្គផ្សព្វផ្សាយបណ្ដុះបណ្ដាលច្បាប់ និងគោលនយោបាយពាក់ព័ន្ធនឹងវិស័យដីធ្លីដល់ក្រុមប្រឹក្សាខេត្ត ក្រុង ស្រុក នៃខេត្តស្វាយរៀង ។
ក្នុងឱកាសនោះដែរ ក៏មានការចូលរួមពីសំណាក់លោកក្រុមប្រឹក្សាខេត្ត និងអស់លោកក្រុមប្រឹក្សាក្រុង ស្រុក ជាច្រើនកុះករផងដែរ ។ កម្មពិធីនេះបានធ្វើឡើងកាលពីព្រឹកថ្ងៃទី៥ ខែវិច្ឆិកា ឆ្នាំ២០១៥ នៅសាលប្រជុំឆ្នេរទន្លេក្រុងស្វាយរៀង ខេត្តស្វាយរៀង ។
លោកស្រី អ៊ូវ័ឌី រដ្ឋលេខាធិការក្រសួងរៀបចំដែនដីនគរូបនីយ៍កម្ម និងសំណង់បានថ្លែងថា ក្នុងនាមក្រសួងសួមថ្លែងអំណរគុណដល់សិក្ខាកាមទាំងអស់ដែលបានចូលរួមក្នុងពេលនេះ ហើយព្រមទាំងគាំទ្រដល់ការងារផ្សព្វផ្សាយច្បាប់ និងលិខិតបទដ្ឋានគតិយុត្តពាក់ពន្ធ័ដីធ្លីដែលរាជរដ្ឋាភិបាលតាមរយៈក្រសួងរៀបចំដែនដីនគរូបនីយ៍កម្ម និងសំណង់បានតាក់តែង និងដាក់អនុវត្តនាពេលកន្លងមក ។
លោកស្រី អ៊ូវ័ឌី បន្តទៀតថា ការងារដីធ្លីជាការងារមានចរិកអន្តរវិស័យដែលក្រសួងស្ថាប័នពាក់ពន្ធ័ និងជាពិសេសអាជ្ញាធរដែនដីត្រូវតាមដានត្រួតពិនិត្យជាប្រចាំនិងមានវិធានការណ៏ទប់ស្កាត់រាល់សកម្មភាពអសកម្មនានាក្នុងមូលដ្ឋានហើយការងារចំពោះមុខគឺត្រូវពង្រឹងសម្ថភាពជំនាញសីលធម៏វិជ្ជាជីវះដល់មន្ត្រីអ្នកអនុវត្តនិងសំរបសំរួលស្ថាប័នដើម្បីពង្រឹងការអនុវត្តច្បាប់និងបទដ្ឋានគតិយុត្តជាធរមានតាមវិស័យអោយមានប្រសិទ្ធភាព។
ហើយក្នុងបរិបទនេះដែលរាជរដ្ឋាភិបាលក្រោមការដឹកនាំរបស់សម្ដេចអគ្គមហាសេនាបតីតេជោហ៊ុនសែនបានសំរេចដាក់ចេញនូវខ្លឹមសារនៃ សៀវភៅសដីធ្លី ឬគោលនោបាយដីធ្លីទូលំទូលាយដែលនិងត្រូវផ្សព្វផ្សាយទូលាយដល់គ្រប់មជ្ឍដ្ឋាននាពេលខាងមុខនេះ។
លោកស្រី ក៏បានបន្តទៀតថា ក្នុងរយៈពេល២ថ្ងៃនេះអស់លោកលោកស្រីនិងយល់កាន់តែច្បាស់នូវកម្មសិទ្ធនិងសិទ្ធផ្សេងៗទៀតលើអចលវត្ថុដែលមានចែងក្នុងក្រមរដ្ឋប្បវេណីយល់ដឹងអំពីភោគះ របៀបទទួលបានកម្មសិទ្ធលើដីធ្លី(លទ្ធកម្ម)ភាពខុសគ្នារវាងភោគះនិងកម្មសិទ្ធការគ្រប់គ្រងដីរដ្ឋសម្បទានដីមានសម្បទានដីសង្គមកិច្ចសម្បទានដីសេដ្ឋកិច្ចរួមទាំងបែងចែកដីធ្លីដើម្បីសង្គមកិច្ចនិងការអភិវឌ្ឍន៏សេដ្ឋកិច្ច(LASED)យល់ដឹងអំពីការចុះបញ្ជីដីធ្លីនិងនីតិវិធីនៃការដោះស្រាយទំនាស់ដីធ្លីក្រៅប្រព័ន្ធតុលាការដែលនិងត្រូវឧទ្ទេសនាមដោយឯកឧត្តមអស់លោកដែលមានបទពិសោធន៏ជាច្រើនឆ្នាំលើការងារដីធ្លីផងដែរ។
ក្រោយពីបញ្ចប់វគ្គផ្សព្វផ្សាយនិងបណ្ដុះបណ្ដាលនេះសូមអស់លោកលោកស្រីបន្តផ្សព្វផ្សាយដល់អាជ្ញាធរប្រជាពលរដ្ឋនិងសហគមន៍ក្នុងមូលដ្ឋានដើម្បីរួមគ្នាអនុវត្តអោយបានត្រឹមត្រូវតាមគោលការណ៏គោលនយោបាយនិងច្បាប់ជាធរមានពាក់ពន្ធ័និងវិស័យដីធ្លីអោយមានប្រសិទ្ធភាព ៕
ដោយ៖ យឹម សុថាន
