ភ្នំពេញ៖ ហេតុការណ៍ភ្ញាក់ផ្អើលមួយបន្ទាប់ពីប្តីប្រពន្ធមួយគូបានឈ្លោះប្រកែកគ្នាពេលនោះសមត្ថកិច្ចបានចុះទៅអន្តរាគមន៍ដើម្បីធ្វើការឃាត់ជៀសវាងបង្កហឹង្សាកើតឡើងបែជាបុរសជាប្តីទាញដាវបំណងកាប់មកលើសមត្ថកិច្ចថែមទៀត តែចៃដន្យក៏រអិលជើងដួល ក៏ត្រូវនគរបាលចាប់ខ្លួនបាននាំយកទៅសាកសួរនៅប៉ុស្តិ៍តែម្ដង។

ហេតុករណ៍នោះបានកើតឡើងកាលពីវេលាម៉ោង៥ និង៥០នាទីល្ងាច  ថ្ងៃព្រហស្បត្តិ៍ ១៣ កើតខែចេត្រ ឆ្នាំរកា នព្វស័ក ពស២៥៦១ ត្រូវនិងថ្ងៃទី២៩ ខែមីនា ឆ្នាំ២០១៨ នៅជិតរោងចក្រកាត់ដេរឃ្យូអឹមអាយ ភូមិត្រពាំងពោធិ៍ សង្កាត់ចោមចៅ៣ ខណ្ឌពោធិ៍សែនជ័យ។

បុរសខាងលើឈ្មោះសូ ឡេងហុង អាយុ៤០ឆ្នាំ មានប្រពន្ធឈ្មោះម៉េង ចាន់តេង អាយុ៣២ឆ្នាំ អ្នកទាំងពីរនាក់ស្នាក់នៅផ្ទះកើតហេតុខាងលើ។

ប្រភពដដែលបានបន្តទៀតថា នៅមុនពេលកើតហេតុបុរសខាងលើបានផឹកស្រាស្រវឹងប៉ុន្តែមិនមែនស្រវឹងដល់ថ្នាក់មិនដឹងអីនោះទេ បន្ទាប់មកបានមានទំនាស់ជាមួយ ប្រពន្ធ។ដោយសារតែខ្លាចមានអំពើហឹង្សារ កើតឡើងប្រជាពលរដ្ឋបានរាយការណ៍ជូននគរបាលចុះទៅជួយអន្តរាគមន៏ ហើយពេលទៅដល់ស្រាប់តែបុរសនេះបានទាញដាវគម្រាមកាប់លើកម្លាំងនគរបាល។ប៉ុន្តែចៃដន្យបានរអិលជើងដួលជ្រុះដាវពីដៃហើយនគរបាលបានស្ទុអទៅជាន់ដាវជាប់និងចាប់ខ្លួនបាននាំទៅសាកសួរនិងកសាងសំណុំរឿងនៅប៉ុស្តិ៍តែម្ដង៕សុខាសែនជ័យ