ភ្នំពេញ៖ សម្តេចតេជោហ៊ុន សែន នាយករដ្ឋមន្ត្រីនៃកម្ពុជា​ កាលពីព្រឹកថ្ងៃសៅរ៍ ៧រោច ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី៧ ខែមេសា ឆ្នាំ២០១៨ នៅលើបណ្តាញសង្គមហ្វេសប៊ុកបានផ្សព្វផ្សាយកម្រងរូបភាពពិធីជួបជុំរំលឹកខួប ៤២ ឆ្នាំនៃការរៀបការ ឬ៤៤ ឆ្នាំនៃថ្ងៃជួបមុខគ្នាដំបូងរវាងសម្តេចតេជោហ៊ុន សែន នឹងសម្តេចកិត្តិព្រឹទ្ធបណ្ឌិត ។

សម្តេចតេជោនាយករដ្ឋមន្ត្រីបានថ្លែងយ៉ាងដូច្នេះថា៖

«ម្សិលមុិញថ្ងៃ ៦ មេសា ២០១៨ ធ្វើពិធីជួបជុំរំលឹកខួប ៤២ ឆ្នាំនៃការរៀបការ ឬ៤៤ ឆ្នាំនៃថ្ងៃជួបមុខគ្នាដំបូងរវាងខ្ញុំ និងភរិយាខ្ញុំ។

កូន៥គូត្រូវជា១០នាក់រួមជាមួយចៅប្រុស ចៅស្រី២០នាក់ទៀត គឺជាគ្រួសារដ៏ធំមួយខុសប្លែកពី ៤២ ឆ្នាំមុនដែលខ្ញុំនិងភរិយាមានតែ២នាក់ប្តីប្រពន្ធ» ៕