ខេត្ដព្រះសីហនុ៖ លោក អ៊ី សុខឡេង អភិបាលក្រុងព្រះសីហនុក្នុងនាមគណៈ បញ្ជាការឯកភាពក្រុងបានដឹកនាំបញ្ជា មន្ដ្រីក្រោមឱវាទធ្វើការហាមឃាត់ សំណង់ និងការចាក់ដីរបស់ប្រជាពល រដ្ឋរំលោភលើដីចំណីព្រែកកាលពីថ្ងៃទី៦ ខែវិច្ឆិកា ឆ្នាំ២០១៥ ។
លោកអភិបាលក្រុង អ៊ី សុខឡេង បានទុកឱ្យម្ចាស់សំណង់និងអ្នកចាក់ដី រំលោភលើចំណីព្រែកបឹងកាឡូប្រមាណ ១០គ្រួសារត្រូវប្រើពេលចំនួន២ថ្ងៃដើម្បី ធ្វើការរុះរើកាយដីចេញ ដោយសារតែ ពួកគាត់បានសាងសង់រំលោភទៅលើដីចំណីព្រែកប៉ះពាល់បរិស្ថាននេះជាដើម។
ក្រៅពីការងារទប់ស្កាត់ការចាក់ដី និងសាងសង់រំលោភបឹងកាឡូនៃព្រះរាជ ដំណាក់អូរឈើទាល លោក អ៊ី សុខឡេង ក៏បានដឹកនាំកម្លាំង និងមន្ដ្រីចុះពិនិត្យ ជាក់ស្ដែងទៅលើទីតាំងសាងសង់រំលោភ លើចិញ្ចើមផ្លូវព្រះភូមិន្ទ ។ ក្នុងនោះ ម្ចាស់សំណង់នីមួយៗក្រោយពីទទួលបាន ការណែនាំពន្យល់ពីអាជ្ញាធរក្រុង ពួកគាត់ ក៏បានសម្រេចចិត្ដរុះរើដោយខ្លួនឯង និង ទទួលស្គាល់ថា ការសាងសង់លើដីចិញ្ចើម ផ្លូវបានប៉ះពាល់នឹងបញ្ហាធ្វើចរាចរណ៍ ក៏ដូចជាល្មើសច្បាប់ជាដើម ។
លោក អ៊ី សុខឡេង អភិបាលនៃគណៈ អភិបាលក្រុងព្រះសីហនុទទួលបានការ គាំទ្រពីមជ្ឈដ្ឋានប្រជាពលរដ្ឋ អាជីវករ ក៏ដូចជាសមត្ថកិច្ច មន្ដ្រីរាជការ បន្ទាប់ ពីលោកមានការទទួលខុសត្រូវខ្ពស់លើ ការអភិវឌ្ឍហេដ្ឋារចនាសម្ព័ន្ធក្នុងក្រុង ចាត់វិធានការរៀបចំសន្ដិសុខ សណ្ដាប់ ធ្នាប់សាធារណៈ សុវត្ថិភាពជូនប្រជា ពលរដ្ឋ អ្នករកស៊ី ភ្ញៀវទេសចរជាតិ អន្ដរជាតិ ពិសេសការកែលម្អសោភ័ណ ភាពទាំងបរិស្ថាន បញ្ហាចរាចរណ៍តាម បណ្ដាផ្លូវជាច្រើននៅក្នុងក្រុង ៕
ដោយ៖ សុខ ខេមរា
