ខេត្តពោធិ៍សាត់៖ កម្លាំងចម្រុះខេត្តល្បាតពេលយប់ ឃាត់ខ្លួនមុខសញ្ញាប្រើប្រាស់សារធាតុញៀន ២នាក់ កាលពីវេលាម៉ោង ១០និង៣០នាទីយប់ ថ្ងៃទី០៦ ខែវិច្ឆិកា ឆ្នាំ២០១៥ នៅក្នុងសង្កាត់បន្ទាយដី និងសង្កាត់ផ្ទះព្រៃ ក្រុង.ខេត្តពោធិ៍សាត់ ។
នគរបាលក្រុងបានឱ្យដឹងថា មុខសញ្ញាសង្ស័យត្រូវឃាត់ខ្លួន ទី១-ឈ្មោះ ស៊ុន សុខឡា ភេទប្រុស ១៦ឆ្នាំ មានទីលំនៅភូមិ.ឃុំស្រែស្ដុក ស្រុកកណ្ដៀង ខេត្តពោធិ៍សាត់ និងទី២-ឈ្មោះ សេក ផល្លា ភេទប្រុស អាយុ ២១ឆ្នាំ មានទីលំនៅភូមិបាក់រទេះ សង្កាត់ព្រៃញី ក្រុង.ខេត្តពោធិ៍សាត់ ។
ប្រភពខាងលើបន្ដថា ក្រោយពីកម្លាំងឃាត់មុខសញ្ញាសង្ស័យ បានយកមកអធិការនគរបាលក្រុង ដើម្បីធ្វើតេស្ដទឹកនោម លទ្ធផលពិតជាមានការប្រើប្រាស់សារធាតុញៀនពិតមែន ហើយបានបំពេញសំណុំបែបបទបញ្ជូនខ្លួនពួកគេទៅស្នងការនគរបាលខេត្តដើម្បីបន្ដតាមនីតិវិធី ៕
ដោយ៖ ប៉ឹម ពិន
