ខេត្ដកណ្ដាល៖ ប្រជាពលរដ្ឋរស់នៅ ភូមិស្វាយតំណាក់ ឃុំក្រាំងយ៉ូវ ស្រុក ស្អាង បានរាយការណ៍មកថា ចៅអធិ ការវត្ដភ្នំទំពែកព្រះនាម ស៊ុំ សំអឿន ព្រះជន្មជាង៥០វស្សា បានវាយដំច្រំធាក់ ទាត់ទៅលើប្រជាពលរដ្ឋប្រមាណ២ទៅ៤នាក់ ដែលកំពុងដាក់កញ្ច្រែងកង្កែប បោក ចង្រិងលីង លក់ដំឡូង ពោតស្ងោរ លក់នៅក្នុងបរិវេណវត្ដក្នុងពិធីទទួលអង្គឋិនទានហែរចូលមកវត្ដភ្នំទំពែកកាល ពីយប់ថ្ងៃទី៤ ខែវិច្ឆិកា ឆ្នាំ២០១៥ កន្លង មកនេះ ។
តាមសេចក្ដីរាយការណ៍ពីពលរដ្ឋ លក់ដូរសណ្ដែកដីលក់ក្រឡានដែលមកពីស្រុកកោះធំបានអះអាងថា នៅយប់ ថ្ងៃទី៤ ខែវិច្ឆិកា ឆ្នាំ២០១៥ ពួកគាត់បាន មករៀបចំកន្លែងលក់នៅក្នុងវត្ដភ្នំទំពេក ខណៈដែលអង្គកឋិនទានបានដង្ហែរចូល លុះកំពុងដាក់លក់ដូចរាល់ដង ស្រាប់ តែបានឃើញលោកចៅអធិការវត្ដ ព្រះនាម ស៊ុំ សំអឿន បានចេញមកឡូឡា ឆ្ការដៃឆ្ការជើងជេរប្រមាថមកលើពួក គាត់យ៉ាងខ្លាំងៗថាអញមិនឱ្យនាងឯង លក់ដូរក្នុងវត្ដរញេុរញៃុណាស់ចេញឱ្យ អស់ទៅ ។ ឃើញទង្វើចៅអធិការវត្ដធ្វើ ដូចនេះពួកគាត់មិនតបតឡើយគឺនៅ លក់ដូរធម្មតាស្រាប់តែលោកតាខឹង កាន់តែខ្លាំងក៏បានស្ទុះមកទាត់ធាក់ឥវ៉ាន់លក់ដូររបស់ពួកគាត់ឃើញដូច្នេះពួក គាត់ខ្លះនាំគ្នាអូសរទេះ កញ្ច្រែង ល្អី ចេញ ព្រោះខ្លាចខាតបង់ហើយក៏បានប្រតាយ ប្រតប់គ្នាទៀតផងដោយឃើញទង្វើកាចសាហាវរបស់លោកចៅអធិការវត្ដធ្វើ ដូច្នេះពួកគាត់បានបង្ខំចិត្ដរើឥវ៉ាន់ឈប់លក់ទាំងយប់ត្រឡប់ទៅផ្ទះវិញអស់ទៅ ។
ពាក់ព័ន្ធនឹងករណីចោទប្រកាន់ខាង លើនេះអ្នកយកព័ត៌មានយើងមិនអាច សុំការពន្យល់បំភ្លឺអំពីលោកចៅអធិការវត្ដ ស៊ុំ សំ អឿន បានទេ ប៉ុន្ដែលោក តា សៅ ដែលជាប្រធានគណៈកម្មការវត្ដ លោកមេឃុំក្រាំងយ៉ូវនិងលោកប្រធានគណៈធម្មការស្រុកបានទទួលស្គាល់ថា ពិតជាមានករណីនេះ កើតឡើងមែន ហើយពេលនេះកំពុងកោះប្រជុំគ្នាដើម្បី ដោះស្រាយរឿងនេះហើយ ។
ប្រភពពីប្រជាពលរដ្ឋដែលរស់នៅ ជិតៗវត្ដទំពែកនោះបានធ្លោយមាត់ឱ្យ ដឹងថា ព្រះចៅអធិការវត្ដភ្នំទំពែកនេះ ឡូយណាស់រាល់ថ្ងៃឬយប់ទៅណាមក ណាបើកឡានតែអង្គឯងទេហើយថែម ទាំងមានប៊ិស្ដូឡេ (កាំភ្លើងខ្លី) ដាក់ក្នុង ថុងយាមឬសៀតចង្កេះទៀតផងប្រជា ពលរដ្ឋរស់នៅតំបន់នោះខ្លាចលោកចៅអធិការរូបនោះដូចខ្លាព្រោះលោកកាច បើកឡានអង្គឯងហើយកាំភ្លើងលោក សំឡុត គឺខ្លាចលោកបាញ់ ។
ពាក់ព័ន្ធនឹងលោកបើកឡានខ្លួនឯង មានអាវុធខ្លីនេះពលរដ្ឋបានទម្លាយឱ្យដឹងថាលោកតាគាត់អាងអ្នកធំមានអំណាចនៅពីក្រោយខ្នង ។
ជុំវិញការចោទប្រកាន់រិះគន់ខាងលើ នេះទាំងការិយាល័យធម្មការអាជ្ញាធរ និងសមត្ថកិច្ចស្រុកហាក់ពុំមានចំណាត់ការយ៉ាងណានោះឡើយប្រជាពលរដ្ឋ ទូទាំងឃុំក្រាំងយ៉ូវពុទ្ធបរិស័ទ្ធចំណុះជើង វត្ដបានសំណូមពរយ៉ាងទទូចដល់ការិយាល័យធម្មការស្រុក និងអាជ្ញាធរមាន សមត្ថកិច្ចស្រុកនិងខេត្ដមេត្ដាមានវិធាន ការចំពោះករណីខាងលើនេះផងទាន ៕
ដោយ៖ ស្អាងជ័យ
