រដ្ឋាភិបាលអាមេរិកបង្ហាញការព្រួយបារម្ភយ៉ាងខ្លាំងពីសកម្មភាពយោធារបស់ រុស្ស៊ីកាន់តែកើនឡើងនៅក្នុងប្រទេស ស៊ីរី ។ តាមប្រព័ន្ធផ្សព្វផ្សាយរបស់ អាមេរិកនេះគឺជាសកម្មភាពដូចទៅនឹងអ្វីដែលប្រធានាធិបតីរុស្ស៊ីធ្លាប់បានធ្វើ នៅតំបន់ស្វយ័តគ្រីមៀអ៊ីដចឹងដែរ ។
តាមសារព័ត៌មាន New York Post បានផ្សាយថា ជាច្រើនឆ្នាំកន្លងមករុស្ស៊ី បានជួយជាច្រើនដល់រដ្ឋាភិបាលរបស់ ប្រធានាធិបតី អាល់អាសាដ រក្សាតំណែង ប្រធានាធិបតីបានគង់វង្ស ប៉ុន្ដែឥទ្ធិពល របស់លោកបានថយចុះបន្ដិចម្ដងៗ ។ តាមសារព័ត៌មានខាងលើបានបញ្ជាក់ ថាពេលថ្មីៗនេះរុស្ស៊ីមានសកម្មភាពចង់គ្រប់គ្រងស៊ីរីវិញម្ដង ដោយទុកឱ្យលោក អាល់អាសាដ នៅរក្សាតំណែងដដែល ដូចតំបន់ស្វយ័តគ្រីមៀនោះដែរ ។
សារព័ត៌មានខាងលើបញ្ជាក់ថា លោក ពូទីន ធ្លាប់បានអនុវត្ដគម្រោងពង្រីក ទឹកដីបន្ថែមដោយយកប្រទេសនៅជិតខាង ដាក់ក្រោមការគ្រប់គ្រងរបស់ខ្លួន ។ យុទ្ធសាស្ដ្ររបស់រុស្ស៊ីក្នុងការពង្រីកឥទ្ធិ ពលនោះគឺពឹងផ្អែកទៅលើពលរដ្ឋនៅ ក្នុងតំបន់នោះ ដែលត្រូវការរុស្ស៊ីជួយជា ចាំបាច់ទាំងការជួយដោយប្រយោលឬ ផ្ទាល់ ។
សារព័ត៌មានអាមេរិកក៏បានលើក ឡើងការជាក់ស្ដែងក្នុងគោលនយោបាយ របស់លោក ពូទីន ចំពោះប្រទេសហ្ស៊ក ហ្ស៊ីកាលពីឆ្នាំ២០០៨ ដោយពេលនោះ រុស្ស៊ីបានបញ្ជូនកម្លាំងទាហាន និងរថ ក្រោះជាច្រើនទៅការពារពលរដ្ឋនៅ តំបន់ Ossetia និយាយភាសាអារ៉ាប់និង ក្រុមជនជាតិ Abkhazia និយាយភាសា ទួរគី រួចផុតពីការគំរាមកំហែងពីរដ្ឋា ភិបាលហ្ស៊កហ្ស៊ី ។ ហេតុការណ៍ខាងលើ មិនសូវមានប្រតិកម្មពីអាមេរិក និង អឺរ៉ុបយូរ ទៅត្រូវបានគេបំភ្លេចចោល ។
ប៉ុន្ដែក្រុមអ្នកប្រឆាំងអាមេរិកបាន បញ្ជាក់ថា ដោយសារតែទីនោះមិនបាន ផ្ដល់ផលប្រយោជន៍ដល់អាមេរិក ទើប អាមេរិក និងសម្ពន្ធមិត្ដមិនយកចិត្ដទុក ដាក់ជួយដល់រដ្ឋាភិបាលហ្ស៊កហ្ស៊ី ។
ចំណែកអ៊ុយក្រែនវិញ នៅពេលដែល ក្រុមគាំទ្រលោកខាងលិចមានបំណងចង់ចូលជាមួយសហភាពអឺរ៉ុប និងអង្គការ ណាតូនឹងផ្ដួលរំលំរដ្ឋាភិបាលស្និទ្ធរុស្ស៊ីធ្វើឱ្យតំបន់គ្រីមៀត្រូវពលរដ្ឋបោះឆ្នោត ចូលជាមួយរុស្ស៊ី ។
ចំពោះស៊ីរីវិញ អតីតសហភាពសូវៀត បានចងសម្ពន្ធមិត្ដយោធាជាមួយស៊ីរីតាំង ពីឆ្នាំ១៩៧១មកម្ល៉េះ ពេលដែលអតីត ប្រធានាធិបតី Hafez Al Assad ឪពុក របស់លោក បាសា អាល់អាសាដ បាន ចុះហត្ថលេខាលើសន្ធិសញ្ញាការពារជាតិរួមជាមួយទីក្រុងមូស្គូ ។ កិច្ចព្រមព្រៀង នោះអនុញ្ញាតឱ្យសូវៀតមានសិទ្ធិចូល ចត់នៅកំពង់ផែរប្រទេសស៊ីរីសម្រាប់ នាវាចម្បាំងគ្រប់ប្រភេទ ។ ប៉ុន្ដែលោក ឪពុកអាល់អាសាដ មិនអនុញ្ញាតឱ្យនាវា ចម្បាំងរុស្ស៊ីចតនៅយូរនោះឡើយ ។
កាលពីឆ្នាំ២០១៤ ប្រធានាធិបតី ពូទីន បានស្នើដល់ប្រធានាធិបតីអាសាដ អនុញ្ញាតឱ្យសាងសង់ទីតាំងយោធាទាំងកម្លាំងជើងទឹកជើងគោកនិងជើងអាកាស នៅឆ្នេរសមុទ្រស៊ីរីដើម្បីពង្រឹងកម្លាំង សម្រាប់ជួយដល់រដ្ឋាភិបាលទីក្រុងដា ម៉ាកាស ។ ប៉ុន្ដែលោក អាល់អាសាដ មិនយល់ព្រមដោយបញ្ជាក់ថា កម្លាំង ទាហានរបស់លោកដែលមានការជួយ ជ្រោមជ្រែងពីអ៊ីរ៉ង់អាចដោះស្រាយបញ្ហា ខាងលើបានហើយ ។
នៅពេលនេះទាំងប្រធានាធិបតី អា សាដ និងអ៊ីរ៉ង់ដឹងថា ខ្លួនមិនអាចបន្ដធ្វើ សង្គ្រាមតទៅមុខទៀតបានឡើយ ។ លោក អាល់អាសាដ ទទួលស្គាល់ថា លោកគ្មាន មនុស្សគ្រប់គ្រាន់ដើម្បីរក្សាផ្ទៃដីដែល លោកគ្រប់គ្រង ។ ទាំងនោះមិនគិតដល់ ការដណ្ដើមទឹកដី៦០ភាគរយដែលបាន បាត់បង់ធ្លាក់ចូលក្នុងដៃក្រុមបះបោរ និង ក្រុមអ៊ិៀស្លាមបង្កើតរដ្ឋ ។
ក្រោយរយៈពេលជាច្រើនសបា្ដហ៍នៃការពិភាក្សាទីបំផុតស៊ីរីក៏បានអនុញ្ញាតឱ្យរុស្ស៊ីសាងសង់ទីតាំងទាហានជើងទឹក និងជើងអាកាសនៅឆ្នេរសមុទ្រប្រទេសស៊ីរី ។ តាមរូបភាពផ្កាយរណបសកម្ម ភាពសាងសង់កំពុងតែចាប់ផ្ដើមឡើង យ៉ាងសកម្ម ។ ជាមួយគ្នានេះរុស្ស៊ីក៏បាន គ្រប់គ្រងអាកាសយានដ្ឋានធំទី២របស់ស៊ីរីផងដែរ ទាំងនោះហើយជួយដល់យន្ដ ហោះចម្បាំងរុស្ស៊ីអាចចុះចតនៅទីនោះបានគ្រប់ពេលវេលាក្នុងពេលចាំបាច់ ។
រុស្ស៊ីនឹងបញ្ជូនយន្ដហោះចម្បាំងព្រមទាំងកាំជ្រួចមីស៊ីលទៅផ្គត់ផ្គង់ឱ្យកម្លាំង ទាហានស៊ីរីក្នុងការរក្សារដ្ឋធានី ប៉ុន្ដែ ក្រុមអ្នកឯកទេសបញ្ជាក់ថា អាវុធទាំង នោះស្ថិតនៅក្នុងការគ្រប់គ្រងរបស់រុស្ស៊ីទៅវិញ ។ តាមការប៉ាន់ប្រមាណរបស់ អ៊ីរ៉ង់បច្ចុប្បន្នរុស្ស៊ីមានកម្លាំងយោធានិងក្រុមឯកទេសយោធារហូតដល់២ម៉ឺន នាក់នៅក្នុងប្រទេសស៊ីរី ។ ទាំងនោះ បញ្ជាក់ថា រដ្ឋធានីស៊ីរីគង់វង្សរហូតដល់ សព្វថ្ងៃគឺដោយបានកម្លាំងរុស្ស៊ីការពារប៉ុណ្ណោះ ។
តាមសារព័ត៌មាន New York Post បានផ្សាយថា រុស្ស៊ីកំពុងតែអនុវត្ដ គម្រោងរបស់ខ្លួននៅលើទឹកដីស៊ីរីដូចអ្វី ដែលប្រទេសបារាំងធ្លាប់បានធ្វើកាលពីឆ្នាំ១៩២០ ពេលនោះស៊ីរីស្ថិតក្រោម អាណានិគមរបស់បារាំង ។ ពេលនោះ ស៊ីរីត្រូវបានបែងចែកជា៥ចំណែក ហើយ បារាំងគ្រប់គ្រងបានតែមួយចំណែក ប៉ុណ្ណោះស្ថិតនៅតំបន់ភ្នំភាគខាងលិច និងតាមបណ្ដោយឆ្នេរសមុទ្រត្រូវបារាំងដាក់ឈ្មោះ La Syrie Utile “តំបន់មាន ប្រយោជន៍នៅស៊ីរី”។ ចំណែកតំបន់ដទៃ ទៀតដែលគ្មានមនុស្សរស់នៅ វាលរហោ ឋានក្លាយទៅជាដីគ្មានម្ចាស់ ។
តំបន់ដែលបារាំងគ្រប់គ្រងនោះមានតែ១៥ភាគរយនៃផ្ទៃដីសរុបប៉ុន្ដែពេល នេះក្លាយទៅជាទីតាំងដែលមានពលរដ្ឋស៊ីរីជាងពាក់កណ្ដាលរស់នៅទីនោះ ហើយគ្រួសារលោក អាល់អាសាដ ក៏ជា អ្នកស្រុកនៅទីនោះដែរ ។
សារព័ត៌មាន New York Post បញ្ជាក់ថា រុស្ស៊ីក្លាយជាប្រទេសដែល ការពារសហគមន៍ជនជាតិ Alawite ជាមួយជនជាតិភាគតិចដទៃទៀត រួម ទាំងពលរដ្ឋស៊ីរីផងដែរ ។ ទាំងនោះហើយ ជួយឱ្យរុស្ស៊ីមានសំឡេងនៅក្នុងតំបន់ទាំង នោះហើយអាចបង្កើតទៅជាតំបន់ស្វយ័ត ចែករំលែកអំណាចពីរដ្ឋាភិបាលស៊ីរីទៅ គ្រប់គ្រងដូចអ្វីដែលរុស្ស៊ីធ្លាប់បានធ្វើនៅ ក្នុងប្រទេសអ៊ុយក្រែន និងហ្ស៊កហ្ស៊ី ។ ចំណែកឆ្នេរសមុទ្រស៊ីរីវិញនឹងក្លាយទៅ ជាគ្រីមៀថ្មីស្ថិតក្រោមការគ្រប់គ្រង របស់រុស្ស៊ី ។ កន្លងមកថ្មីៗរុស្ស៊ីបាន បញ្ជូននាវាចម្បាំង៥គ្រឿងទៅកាន់ដែនសមុទ្រមេឌីទែរ៉ាណេ ហើយនាវាទាំង នោះអាចនឹងចូលចតនៅឆ្នេរសមុទ្រ ប្រទេសស៊ីរីជាមិនខាន ។
ចំពោះប្រធានាធិបតីស៊ីរីវិញ ពេល នេះមានជម្រើស២គឺមួយចាកចេញពី តំណែងទី២គឺប្រគល់ឱ្យទៅរុស្ស៊ីគ្រប់គ្រង តែលោកនៅតែជាមេដឹកនាំដដែលដូចតំបន់គ្រីមៀជាដើម ៕
ប្រែសម្រួល៖ ម៉ែវ សាធី
