ភ្នំពេញ៖ ក្រុមចោរ២នាក់ប្រដាប់ដោយកាំភ្លើងខ្លីមួយដើមពីចង្កេះបាញ់ប្រហារមកលើជនរងគ្រោះចំនួន២គ្រាប់ពីបណ្ដាលឱ្យយុវជនម្នាក់រងរបួសធ្ងន់តែមិនបានសម្រេច ។
ហេតុការណ៍នេះ បានកើតឡើងកាលពីវេលាម៉ោង៤និង៣០នាទីទៀបភ្លឺ ថ្ងៃទី៨ ខែវិច្ឆិកា ឆ្នាំ២០១៥ នៅតាមបណ្ដោយផ្លូវ១៦៣ ស្ថិតក្នុងសង្កាត់ទួលស្វាយព្រៃទី១ ខណ្ឌចំការមន រាជធានីភ្នុំពេញ ។
ជនរងគ្រោះមានឈ្មោះ ចាន់ ដារ៉ូ ភេទប្រុស អាយុ២៨ឆ្នាំ មុខរបរអ្នកលក់គ្រឿងសមុទ្រ ។
បើតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុជនរងគ្រោះបានជិះម៉ូតូមួយគ្រឿងហុងដាម៉ាកDuk ពណ៌ខ្មៅ ពាក់ស្លាកលេខ ភ្នំពេញ1FA-3259 ក៏ត្រូវជនល្មើស២នាក់ប្រើប្រាស់កាំភ្លើងខ្លីមួយដើមពីចង្កេះបាញ់ប្រហារមកលើជនរងគ្រោះចំនួន២គ្រាប់ពីបណ្ដោយឱ្យយុវជនម្នាក់រងរបួសធ្ងន់ត្រូវដៃខាងឆ្វេងមួយគ្រាប់និងត្រូវចង្កេះមួយគ្រាប់ទៀត។
បន្ទាប់មកក្រុមចោរបានលើកយកម៉តូជនរងគ្រោះបម្រុងជិះចេញតែដោយសារម៉ូតូដេមិនឆេះរួចក៏ក្រុមចោរបានព្យាយាមបណ្តើរចេញពីកន្លែងបានប្រមាណជាង១០០ម៉ែត្រ ពេលកំពុងតែបណ្តើរក៏ត្រូវបានប្រជាពលរដ្ឋដែលឃើញហេតុការណ៍ខាងលើនេះក៏បានស្រែកថាចោរៗ ទើបធ្វើក្រុមជនសង្ស័យផ្តួលម៉ូតូចោល ហើយឡើងជិះម៉ូតូរបស់បក្ខពួកខ្លួនជិះគេចខ្លួនបាត់ដោយសុវត្ថិភាព។
ក្រោយកើតហេតុ ជនរងគ្រោះត្រូវបានដឹកទៅសង្គ្រោះបន្ទាន់នៅមន្ទីរពេទ្យរុស្ស៊ី ៕
ដោយ៖ ស រស្មី
