ភ្នំពេញ៖ ជនសង្ស័យម្នាក់ដែលជា មុខសញ្ញាចែកចាយគ្រឿងញៀនត្រូវបានកម្លាំងកងរាជអាវុធហត្ថខណ្ឌចំការមន ឃាត់ខ្លួនមកទីបញ្ជាការកងរាជអាវុធហត្ថខណ្ឌភ្លាមៗ បន្ទាប់ពីធ្វើការឆែកឆេររកឃើញថ្នាំញៀន និងសម្ភារៈមួយចំនួនទៀត ។
ហេតុការណ៍ខាងលើនេះបានកើតឡើងកាលពីវេលាម៉ោង២នឹង០០នាទី រំលងអធ្រាត្រឈានចូលថ្ងៃទី៩ ខែវិច្ឆិកា ឆ្នាំ២០១៥ នៅចំណុចមុខផ្ទះសំណាក់ សាត សុវណ្ណ តាមបណ្តោយផ្លូវលេខ ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំការមន ។
ជនសង្ស័យដែលឃាត់ខ្លួនមានឈ្មោះ ម៉ុត វង្សា ភេទប្រុស អាយុ៣០ឆ្នាំ មុខរបរជាអ្នករត់ម៉ូតូឌុប បច្ចុប្បន្នស្នាក់ នៅផ្ទះជួល ក្នុងសង្កាត់បឹងទំពុន ខណ្ឌមានជ័យ ។
កម្លាំងកងរាជអាវុធខណ្ឌចំការមនបានឱ្យដឹងថា មុនពេលឈានដល់ការឃាត់ខ្លួនជនសង្ស័យខាងលើ កម្លាំងបានចុះល្បាតនៅក្នុងមូលដ្ឋាន ពេលមកដល់ចំណុចកើតហេតុក៏បានប្រទះឃើញគួរឱ្យសង្ស័យ ក៏បានធ្វើការសួរនាំ និងឆែរខ្លួនក៏បានប្រទះឃើញថ្នាំញៀន និងវត្ថុតាងសោរកាច់ក៏ម៉ូតូ រួចក៏ឃាត់ខ្លួន មកទីបញ្ជាការកងរាជអាវុធហត្ថខណ្ឌតែម្តង ។
វត្ថុតាងដែលដកហូតបានរួមមាន ថ្នាំញៀនប្រភេទក្រាមពណ៍សថ្លា (ម៉ាទឹកកក) មួយចំនួន សោរកាច់កម៉ូតូ១ ម៉ូតូស្មាស ពណ៍១គ្រឿង និងទូរស័ព្ទដៃ២គ្រឿង ។
បច្ចុប្បន្នជនសង្ស័យខាងលើកំពុងឃុំខ្លួនបណ្តោះអាសន្ននៅទីបញ្ជាការកងរាជអាវុធហត្ថខណ្ឌ ដើម្បីកសាងសំណុំរឿងចាត់តាមនីតិវិធីផ្លូវច្បាប់ ៕
ដោយ៖ ភារ៉ា ដង្កោ
