ភ្នំពេញ​ ៖​ យោងតាម​សេចក្ដី​ជូនដំណឹង​របស់ក្រសួងធន​ធាន​ទឹក​បានបញ្ជក់អំពីអាកាសធាតុថា​ ចាប់ពីថ្ងៃទី​២៨​ដល់ថ្ងៃទី​៣០​ ខែមេសា​ ឆ្នាំ​២០១៨​ ព្រះរាជាណាចក្រកម្ពុជាទទួលឥទ្ធិពលពីជ្រលងសម្ពាធទាប លក្ខណៈបែបនេះធ្វើឲ្យអាកាសធាតុនៅថ្ងៃនេះ ៖

​តំបន់វាលទំនាប ៖ សីតុណ្ហភាពអប្បបរមាពី24 – 260C និងអតិបរមាពី35 – 370C ផ្ទៃមេឃមានពពកពីតិចទៅមធ្យម ខ្យល់បក់មកពី ទិសអគ្នេយ៍មានល្បឿនពី2 – 4m/s នឹងអាចមានភ្លៀងកក់ខែជាមួយផ្គរ រន្ទះ និងខ្យល់កន្ត្រាក់នៅផ្នែកខ្លះ នៃរាជធានីភ្នំពេញ​ និង​ខេត្តកណ្តាល តាកែវ កំពង់ស្ពឺ ព្រៃវែង ស្វាយរៀង ពោធិសាត់ កំពង់ឆ្នាំង កំពង់ធំ សៀមរាប បាត់ដំបង ប៉ៃលិន ឧត្តរមានជ័យ និងខេត្តបន្ទាយមានជ័យ។

ដោយឡែក​ តំបន់ខ្ពង់រាប ៖ សីតុណ្ហភាពអប្បបរមាពី24 – 260C និងអតិបរមាពី35 -370C ផ្ទៃមេឃមានពពកពីតិចទៅមធ្យម ខ្យល់បក់មកពី ទិសអគ្នេយ៍មានល្បឿន​ 3 ​- 5m/s នឹងអាចមានភ្លៀងកក់ខែជាមួយផ្គរ រន្ទះ និងខ្យល់កន្ត្រាក់នៅផ្នែកខ្លះនៃខេត្តត្បូងឃ្មុំ​ ក្រចេះ​ កំពង់ចាម ស្ទឹងត្រែង ព្រះវិហារ រតនគិរី និងខេត្តមណ្ឌលគិរី។

សម្រាប់​តំបន់​មាត់សមុទ្រ ៖ សីតុណ្ហភាពអប្បបរមាពី22 – 240C​ និងអតិបរមាពី32- 340C ផ្ទៃមេឃ​មានពពកពីតិចទៅមធ្យមខ្យល់បក់មកពីទិសអគ្នេយ៍មានល្បឿនពី3 – 5m/s នឹងអាចមានភ្លៀងកក់ខែ និងផ្គរ រន្ទះ ជាមួយខ្យល់កន្ត្រាក់នៅផ្នែកខ្លះនៃខេត្តកែប​ កោះកុង ព្រះសីហនុ និងខេត្តកំពត រលកសមុទ្រអាចមានកំពស់ពី0.50m -​1.25m​ ៕