ភ្នំពេញ ៖ នៅថ្ងៃទី២៧ ខែមេសា ឆ្នាំ២០១៨ សមាគមគ្រឹះស្ថានឧត្តមសិក្សាកម្ពុជា បានធ្វើការប្រជុំដើម្បីពន្យល់ និងពិភាក្សាអំពីការងារចូលរួមធ្វើជាអ្នកសង្កេតការណ៍ជាតិ សម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨ ។
ពិធីនេះធ្វើឡើងក្រោមអធិបតីភាពឯកឧត្តមបណ្ឌិត ហេង វ៉ាន់ដា ប្រធានក្រុមប្រឹក្សាភិបាលនិងឯកឧត្តមលីឆេងប្រធានគណៈប្រតិបត្តិសមាគមដែលមានអ្នកចូលរួមប្រមាណជិត 300 នាក់មកពីគ្រឹះស្ថានសិក្សានានាដែលជាសមាជិករបស់សមាគម។
នៅក្នុងឱកាសនោះដែរឯកឧត្តម លី ឆេង ប្រធានគណៈប្រតិបត្តិសមាគមបានធ្វើមតិស្វាគមន៍ជូនដល់អង្គពិធីទាំងមូលនឹងជូនអំពីគោលបំណងរបស់សមាគមគ្រឹះស្ថានឧត្តមសិក្សាក្នុងការបង្កើតក្រុមអ្នកសង្កេតការណ៍ជាតិសម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៦។ ក្នុងនោះឯកឧត្តមក៏បានបញ្ជាក់អំពីកិច្ចការមួយចំនួនដែលសមាគមបាននឹងកំពុងធ្វើដូចជាការរៀបចំរចនាសម្ព័ន្ធក្រុមអ្នកសង្កេតការណ៍គ្រប់ថ្នាក់តាំងពីរាជធានីខេត្តដល់ឃុំសង្កាត់និងបានរៀបចំថវិកាបដានិងឯកសណ្ឋានសម្រាប់សម្គាល់អ្នកសង្កេតការណ៍របស់ស្វាគមន៍ផងដែរ។
លោកបណ្ឌិត ហេង វ៉ាន់ដា ប្រធានក្រុមប្រឹក្សាភិបាលសមាគមបានលុង ពន្យល់អំពីផែនការសកម្មភាពការងារសង្កេតការបោះឆ្នោតសកលអាណត្តិទី៦ ដែលនឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨ ទាំង១១ចំណុចជូនដល់សមាជិកសមាជិកា គណៈសម្ពាធការថ្នាក់ខេត្តក្រុងនិងគណៈកម្មការថ្នាក់ស្រុកខណ្ឌរបស់សមាគមដើម្បីពិភាក្សាផ្ដល់មតិ ។
ផែនការសកម្មភាពនោះត្រូវបានពន្យល់លម្អិតចិត្តតាំងពីអំណាចគ្រប់គ្រងរបស់គណៈសង្កេតការណ៏ថ្នាក់ខេត្ត/ក្រុង ទាំង២៥៖
១, ម្ចាស់គ្រឹះស្ថានជាអ្នកចាត់តាំង និងទទួលខុសត្រូវចំពោះគណៈសង្កេតការណ៏ខេត្ត/ក្រុង ខណ្ឌ/ស្រុក ឃុំ/សង្កាត់។
២, គណៈសង្កេតការណ៏ខេត្ត/ក្រុង ជាអ្នកទទួលខុសត្រូវចំពោះការងារសង្កាតការណ៏ក្នុងខេត្ត ក្រុងរបស់ខ្លួន។
៣, ពិនិត្យមើលក្នុងភូមិសាស្រ្តក្នុងខេត្ត ក្រុងរបស់ខ្លួន អាអញ្ជើញសមាជិកផ្ហសេងចូលរួមទទួលខុសត្រូវបន្តនូវថ្នាក់ខណ្ឌ ឬស្រុក ឬឃុំ សង្កាត់ ធ្វើយ៉ាងណាឲ្យមានសមាជិករបសើខ្លួនជាលក្ខណៈចំរុះពណ៏។
៤, សង្កេតការណ៏ចល័ត ឬអចល័តក្នុង សង្កាត់ ឃុំ ។
៥, បញ្ជូនបញ្ជីឈ្មោះមកសហគមន៏មិនឲ្យលើសពីថ្ងៃទី២៧/០៥/២០១៨។
៦, ខេត្ត ក្រុង ជាអ្នករៀបចំថវិកាក្នុងបញ្ជីឈ្មោះ (ចំណូចទី៤ខាងលើ) ដោយថែម១កូឡោន។
ក្រោយពីមានមតិបើកចប់សព្វ មានការថតរូបនិងថ្លែងមតិរបស់គ្រឺះស្ថានសិក្សានីមួយៗ ដើម្បីបញ្ជាក់ពីក្លាហានក្នុងការចូលរួម និង ការប្ដេជ្ញាចិត្តធ្វើឲ្យសម្រេចនូវការងារជាអ្នកសង្កេតការណ៍បោះឆ្នោត ៕ ស រស្មី
