យុវជនមួយក្រុមប្រដាប់ដោយដាវសាំម៉ូរ៉ៃដេញកាប់យុវជន២នាក់ដូចក្នុងរឿងហុងកុងតាមផ្លូវព្រះនរោត្ដម

ចែករំលែក៖

ភ្នំពេញ ៖  យុវជន២នាក់ត្រូវយុវជនមួយក្រុមមានគ្នាជាង១០នាក់ប្រដាប់ដោយដាវសាំម៉ូរ៉ៃដេញកាប់អត់បានផ្តួលម៉ូតូរត់គេច ខ្លួនកាប់ម៉ូតូកាប់យកស្លាកលេខមូ៉តូជិះគេចបាត់អស់ បង្កឲ្យមានការភ្ញាក់ផ្អើលនៅ​វេលាម៉ោង៤និង៣០ល្ងាចថ្ងៃទី០៦ ខែ កក្ដដា ​​តាមផ្លូវព្រះនរោត្ដមកែង២៩៤ ស្ថិតនៅភូមិ៧ សង្កាត់ទន្លេបាសាក់ ខ​ណ្ឌចំការមន ។
​ប្រភពព័ត៌មានពីសាក្សីដែលបានឃើញហេតុការណ៍នេះបានឲ្យដឹងថា មុនពេលកើតហេតុគេឃើញមានយុវជនមួយក្រុម​មានគ្នាជាង១០នាក់ជិះម៉ូតូ៨គ្រឿងប្រដាប់ដោយ​ដាវសាំ​ម៉ូ​​រ៉ៃជិះម៉ូតូដេញកាប់យុវជន២នាក់ជិះម៉ូតូម៉ាកហុងដាឌ្រីម ពណ៍ខ្មៅសេរី២០១៤ឡើងសេរី​០១៥ពាក់ស្លាកលេខ ភ្នំពេញ 1FA 8592 ដូចក្នុងរឿងហុងកុងធ្វើឲ្យជនរង​គ្រោះ​ទាំង​២នាក់ខំប្រឹងជិះម៉ូតូរត់គេចទៅដល់ស្ថានីយប្រេងឥន្ធនៈកាល់​តិចបានផ្តួលម៉ូតូរត់ឲ្យគេជួយត្រូវជនបង្កចុះ​កាប់ម៉ូតូនិងកាប់យក​ស្លាក​លេ​ខ​ម៉ូ​តូទៅបាត់ ។
អ្នកបើកមានឈ្មោះ យ៉ុន សីហារ ភេទប្រុសអាយុ១៥ឆ្នាំមុខរបររៀននៅវិទ្យាល័យផ្សារដើមថ្កូវ ថ្នាក់ទី៧c២ស្នាក់នៅសង្កាត់ស្ទឹងមានជ័យ ខណ្ឌមានជ័យជាម្ចាស់ម៉ូតូអ្នកជិះក្រោយមានឈ្មោះ សាត ភារិទ្ធិ ភេទប្រុសអាយុ១៨ឆ្នាំជាសិស្សនៅសាលាដូចគ្នាថ្នាក់ទី៩F២ស្នាក់នៅភូមិតោ្នតជ្រំ សង្កាត់បឹងទំពុន ខណ្ឌមានជ័យ។
ម្ចាស់ម៉ូតូបានអោយដឹងថា មុនពេលកើតហេតុគាត់ជិះម៉ូតូជាមួយមិត្តភក្កិត្រលប់មកពីដើរកំសាន្តនៅកោះពេជ្រ គោលបំណងទៅផ្ទះ​វិញ តែមក​ដ​ល់​​ចំ​​ណុចផ្លូវព្រះនរោត្តមកែង​ផ្លូវ​លេខ២៩៤ទិសដៅពីជើងទៅត្បូង។ ក៏មានជនបង្កមួយក្រុមជិះ​ម៉ូតូ៨គ្រឿងដេញកាប់ពួកគា​ត់ទាំងពីររួចស្រែក​ថា​ចុះ​​កាប់​អា​ពីរនាក់ហ្នឹងអោយងាប់ ។ ឃើញជនបង្កមានគ្នាច្រើនក៏បត់ឆ្វេងចូលស្ថានីយប្រេងឥន្ធនៈ​កាល់តិច ក៏ផ្តួលម៉ូតូចោលរត់រកគេជួយ​ត្រូវ​ជន​បង្ក​​កា​​ប់​​ចង្កៀង​មុខនិងកាប់យកស្លាកលេខម៉ូតូ និងដកហូតយកសោទៅបាត់ទៀត។
ក្រោយពេលកើតហេតុសមត្ថកិច្ចចុះមកអន្តរាគមដែរតែត្រូវជនបង្កគេចខ្លួនបាត់អស់ហើយទើប សមត្ថកិច្ចនាំយុវជនទាំងពីរនាក់ទៅដាក់ពាក្យ​បណ្ដឹងនៅ​ប៉ុ​​ស្តិ៍ន​គរ​បាលរដ្ឋបាលសង្កាត់ទន្លេបាសាក់៕

image1

image2

...

image3


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print