ភ្នំពេញ៖ គ្រូបង្វឹកកីឡាបាល់បោះ៣៦ រូបដែលពុំទាន់មានអាជ្ញាប័ណ្ណស្រប តាមគុរកោសល្យក្នុងការបណ្ដុះបណ្ដាលកីឡាករវ័យក្មេងទទួលបានការបណ្ដុះ បណ្ដាលជំនាញវិជ្ជាជីវៈកម្រិតមួយពី សហព័ន្ធកីឡាបាល់បោះអាស៊ីកាលពី ព្រឹកថ្ងៃទី១០ ខែវិច្ឆិកា ឆ្នាំ២០១៥ នៅ មជ្ឈមណ្ឌលជាតិហ្វឹកហ្វឺនកីឡា ។
លោក កែវ កាន់ណាលី អគ្គលេខាធិ ការរងសហព័ន្ធកីឡាបាល់បោះកម្ពុជា និង ជាប្រធានគ្រប់គ្រងវគ្គបានឱ្យដឹងថា វគ្គសិក្សារយៈពេលមួយសបា្ដហ៍លើគ្រូ បាល់បោះកម្រិតមួយដែលពុំធ្លាប់បាន ឆ្លងកាត់ការបណ្ដុះបណ្ដាលវិជ្ជាជីវៈគ្រូ បាល់បោះកម្រិតមួយមានប្រមាណ៣៦ នាក់មកពីតាមបណ្ដាខេត្ដ-ក្រុងទូទាំង ប្រទេស និងតាមសាលារដ្ឋ និងឯកជន មួយចំនួន ។
លោកបានបន្ដទៀតថា កម្មវិធីសិក្សា នេះទទួលបានគ្រូឧទ្ទេសពីសហព័ន្ធកីឡា បាល់បោះអាស៊ីលោក Fidi Sabbah ដែលមានបទពិសោធន៍គរុកោសល្យ ផ្នែកបណ្ដុះបណ្ដាលគ្រូកម្រិតមួយ ។
លោក កែវ កាន់ណាលី បានបញ្ជាក់ ថា គោលបំណងនៃការបណ្ដុះបណ្ដាល នេះគឺផ្ដោតទៅលើយុវជនដែលធ្លាប់ធ្វើ ជាគ្រូបាល់បោះនៅតាមបណ្ដាសាលារដ្ឋ សាលាឯកជន និងបណ្ដាខេត្ដ-ក្រុងមួយ ចំនួនដែលពុំធ្លាប់បានឆ្លងកាត់វគ្គជំនាញមួយនេះឱ្យពួកគាត់បានសិក្សាយល់ច្បាស់ ពីតួនាទីគ្រូបង្វឹកនិងការដឹកនាំកីឡាករ កីឡាការិនីរបស់ខ្លួនឱ្យស្របតាមច្បាប់សហព័ន្ធកីឡាបាល់បោះអន្ដរជាតិ ។
លោក Fidi Sabbah បានបង្ហាញ នូវបទពិសោធន៍ និងការចែករំលែក រវាងលោកដែលជាគ្រូឧទ្ទេសនឹងសិក្ខា កាមដែលបានចូលរួមក្នុងវគ្គសិក្សានេះ ធ្វើយ៉ាងណាឱ្យពួកគេយល់ពីតួនាទីគ្រូ បង្ហាត់ និងការដឹកនាំក្មេងៗលេងកីឡា បាល់បោះ ។
លោកបានបន្ដទៀតថា នៅពេលនេះ យើងទាំងអស់គ្នានិយាយអំពីបាល់បោះ ដូច្នេះខ្ញុំនឹងបង្ហាញឱ្យអ្នកដឹងថា អ្វីទៅជា តួនាទីរបស់គ្រូ អ្វីទៅជាការដឹកនាំសិស្ស របស់ខ្លួន និងការគ្រប់គ្រងកីឡាករកីឡា ការិនីដែលអ្នកបានបណ្ដុះបណ្ដាល ។
លោកបានបន្ដទៀតថា ការជួបគ្នា រយៈពេលមួយសបា្ដហ៍ខ្ញុំសង្ឃឹមថាសិក្ខា កាមទាំង៣៦នាក់ ទទួលបានចំណេះដឹង ទូលំទូលាយឆ្លើយតបទៅនឹងសហព័ន្ធ កីឡាបាល់បោះអាស៊ីហើយអ្នកទាំងអស់គ្នាត្រូវយកចំណេះដឹងថ្មីៗនេះទៅបង្ហាត់បង្ហាញបន្ដតាមមូលដ្ឋានរៀងៗខ្លួន ។
លោក ម៉ិល កាដូ អគ្គនាយករងនៃ អគ្គនាយកដ្ឋានអប់រំកាយ និងកីឡាបាន ផ្ដាំផ្ញើដល់សិក្ខាកាមទាំង៣៦នាក់ដែល មានវត្ដមានចូលរួមសិក្សាវគ្គបណ្ដុះ បណ្ដាលគ្រូបាល់បោះកម្រិតមួយដែល រៀបចំដោយសហព័ន្ធកីឡាបាល់បោះ កម្ពុជាយ៉ាងដូច្នេះថា សូមប្អូនៗដែលជា សិក្ខាកាមទាំងអស់ត្រូវក្លាហានត្រូវ ហ៊ាន បើឆ្ងល់ត្រូវហ៊ានសួរដើម្បីយក ចំណេះទៅបណ្ដុះបណ្ដាលដល់យុវជននៅតាមសាលារៀងៗខ្លួន ។
តំណាងសិក្ខាកាមម្នាក់ក្នុងចំណោម ៣៦នាក់បានឡើងប្ដេជ្ញាចិត្ដបន្ទាប់ពី ទទួលដំបូន្មានពីថ្នាក់ដឹកនាំរបស់ខ្លួនថា ក្នុងនាមនាងខ្ញុំតំណាងឱ្យសិក្ខាកាមទាំង ៣៦នាក់សូមប្ដេជ្ញាគោរពពេលវេលា សិក្សា និងប្ដេជ្ញាយកចំណេះដឹងដែល ទទួលបានពីវគ្គសិក្សានេះទៅបណ្ដុះបណ្ដាល កីឡាករកីឡាការិនីតាមអង្គភាពក្លិប រៀងៗខ្លួន ៕
ដោយ៖ សារីម
