ភ្នំពេញ៖ បុរសម្នាក់ត្រូវបានក្រុមជនសង្ស័យមានគ្នា៤នាក់ជិះម៉ូតូ២គ្រឿងប្រដាប់ដោយកាំភ្លើងខ្លីភ្ជង់ប្លន់យកម៉ូតូ១គ្រឿងម៉ាក ស៊ុយស៊ីគី ឡេត សេរីឆ្នាំ២០១៤ ពណ៍ឈាមជ្រួកមិនចាំស្លាកលេខហើយជិះគេចខ្លួនដោយសុវត្ថិភាព ។

អំពើប្លន់នេះបានកើតឡើងកាលពីវេលាម៉ោង០២ និង១០នាទីយប់ថ្ងៃទី១១ ខែវិច្ឆិកា ឆ្នាំ២០១៥នៅតាមបណ្តោយផ្លូវ៥៩៨ ស្ថិតក្នុងសង្កាត់ភ្នំពេញថ្មីខណ្ឌសែនសុខ។ ជនរងគ្រោះមានឈ្មោះ ជា ប៊ុន ប៉ ភេទប្រុស អាយុ២៤ឆ្នាំមុខរបរជាងជុសជុលទូរស័ទ្ទ ។

បើតាមសំដីជនរងគ្រោះ បានប្រាប់ថាមុនពេលកើតហេតុរូបគាត់បានជិះម៉ូតូតែម្នាក់ឯងមកពីរង្វង់មូលកាំកូសុីធីតាមបណ្តោយផ្លូវ៥៩៨ក្នុងគោលបំណងទៅច្រៀងKaraoke នៅផ្លូវ១០៨៦ លុះជិះទៅមិនទាន់បានច្រៀងKaraokeផង ទើបតែមកដល់មុខរ៉យសេវែនក៏លេចមុខជនល្មើស៤នាក់ជិះម៉ូតូ២គ្រឿងបានធ្វើសកម្មភាពដកកាំភ្លើងខ្លីពីចង្កេះភ្ជង់ប្លន់និងគំរាមបាញ់សម្លាប់ចោលឃើញដូច្នេះធ្វើអោយជនរងគ្រោះភយ័បានរត់ចោលម៉ូតូធ្វើអោយក្រុមជនល្មើសមានឱកាសក៍យកម៉ូតូជនរងគ្រោះជិះចេញដោយសុវត្ថិភាព ។

បន្ទាប់ពីជនល្មើសប្លន់យកម៉ូតូទៅបាត់ហើយជនរងគ្រោះបានត្រឹមតែមកដាក់ពាក្យបណ្តឹងនៅប៉ុស្តិ៍នគរបាលភ្នុំពេញថ្មី ៕

ដោយ៖ តុង សីហា