នគរបាលស្រុកមេមត់ ឃាត់ខ្លួនយុវជនម្នាក់តាមដីកាតុលាការខេត្តត្បូងឃ្មុំ ពីបទជួញដូរដោយខុសច្បាប់នូវសារធាតុញៀន

ចែករំលែក៖

ខេត្តត្បូងឃ្មុំ ៖ កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកមេមត់ បានធ្វើការឃាត់ខ្លួនជនសង្ស័យម្នាក់ ពីបទជួញដូរដោយខុសច្បាប់នូវសារធាតុញៀន កាល​ពីវេលាម៉ោង៥ និង៣០នាទី ថ្ងៃទី១៣ ខែឧសភា ឆ្នាំ២០១៨ ត្រង់ចំណុចបុរីតេជោ សែន ស្ថិតក្នុងភូមិសំរោងជើង ឃុំដារ ស្រុកមេមត់ ខេត្តត្បូងឃ្មុំ ។

នគរបាលស្រុកមេមត់បានឲ្យដឹងថា ការចុះឃាត់ខ្លួនជនសង្ស័យខាងលើ ធ្វើឡើងតាម​ដីកាប​​​ង្គាប់ឲ្យចាប់ខ្លួនលេខ ២២៩ ចុះថ្ងៃទី២១ ខែធ្នូ ឆ្នាំ២០១៧ របស់ចៅក្រម​ស៊ើបសួរ​សាលា​ដំបូងខេត្តត្បូងឃ្មុំ ត្រូវចោទពី «បទជួញដូរដោយខុសច្បាប់នូវសារធាតុញៀន» ដែល​​បានធ្វើសកម្មភាពប្រព្រឹត្តនៅភូមិជាំទ្រៀក ឃុំត្រមូង ស្រុកមេមត់ ខេត្តត្បូងឃ្មុំ កាល​ពីថ្ងៃទី៥ ខែវិច្ឆិកា ឆ្នាំ២០១៧ តាមប្បញ្ញត្តិមាត្រា៤០ នៃច្បាប់ស្តីពីការត្រួតពិនិត្យ​គ្រឿង​ញៀន ។

នគរបាលបានបញ្ជាក់ថា ជនសង្ស័យឈ្មោះ រស់ សីហា ភេទប្រុស អាយុ២២ឆ្នាំ ជន ជាតិខ្មែរ មុខរបរមិនពិតប្រាកដ រស់នៅភូមិខ្នងក្រពើលិច ឃុំត្រមូង ស្រុកមេមត់ ខេត្តត្បូងឃ្មុំ ។

បច្ចុប្បន្ន ជនសង្ស័យ ត្រូវបាននគរបាលសមត្ថកិច្ចជំនាញនគរបាលប្រឆាំងគ្រឿងញៀន នៃ​អធិការដ្ឋាននគរបាលស្រុកមេមត់ឃាត់ខ្លួន ដើម្បីកសាងសំណុំរឿងបញ្ជូនបន្តទៅសាលា ដំបូងខេត្តត្បូងឃ្មុំ ចាត់ការតាមនីតិវិធី ៕ វណ្ណៈ

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print