ភ្នំពេញ៖ ក្រុមអ្នកញៀនល្បែងសុីសងខុសច្បាប់ (ជល់មាន់) ទាំង៧នាក់ រួមនិងវត្ថុតាងមួយចំនួនត្រូវនគរបាលខណ្ឌសែនសុខធ្វើការបញ្ជួនទៅតុលាកាបន្ទាប់ពីបញ្ចប់ការសាកសួរ។

ការបញ្ជួនក្រុមអ្នកញៀនល្បែងជល់មាន់ទាំងនេះ នៅព្រឹកថ្ងៃពុធ ៩កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៣ ខែឧសភា ឆ្នាំ២០១៨នេះ។

គួរំលឹកផងដែថាកាលពីថ្ងៃអាទិត្យ ៦ កើត ខែ ជេស្ឋ ឆ្នាំ ច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២០ ខែ ឧសភា ឆ្នាំ ២០១៨ វេលាម៉ោង១៤ និង០០នាទី នៅចំណុចក្នុងដីឡូតិ៍ទុកចោល ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ។ ដឹកនាំដោយលោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខបានធ្វើការបង្ក្រាបនិងឃាត់ខ្លួនជនសង្ស័យបានចំនួន០៧នាក់ រួមទាំងវត្ថុតាងមួយចំនួនយកមកធ្វើការសាកសួរបន្ទាប់ពីទទួលព័ត៍មានពីប្រជាពលរដ្ឋថា នៅចំណុចខាងលើមានការបើកលេងល្បែងស៊ីសងភ្នាល់ជល់មាន់។

ជនសង្ស័យចំនួន០៧នាក់នោះមាន
១-ឈ្មោះ ប៉ិន សុភ័ក្រ ភេទប្រុស អាយុ៣៣ឆ្នាំ ជនជាតិខែ្មរ មុខរបរលក់ឡាន ស្នាក់នៅ សង្កាត់ក្រាំងធ្នង់ ខណ្ឌសែនសុខ (គ្មានសារធាតុញៀន) ។
២-ឈ្មោះ ចាន់ ឆលីហៀង ភេទប្រុស អាយុ២៤ឆ្នាំ ជនជាតិខែ្មរ មុខរបរកម្មករសំណង់ ស្នាក់នៅ ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (គ្មានសារធាតុញៀន) ។
៣-ឈ្មោះ ពិន មករា ភេទប្រុស អាយុ២៩ឆ្នាំ ជនជាតិខែ្មរ មុខរបរជាងឡាន ស្នាក់នៅភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (គ្មានសារធាតុញៀន) ។
៤-ឈ្មោះ លី ណូ ភេទប្រុស អាយុ៣៣ឆ្នាំ ជនជាតិខែ្មរ មុខរបរលក់អុស ស្នាក់នៅភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ (គ្មានសារធាតុញៀន) ។
៥-ឈ្មោះ ពៅ អៀង ភេទប្រុស អាយុ១៦ឆ្នាំ ជនជាតិខែ្មរ មុខរបរជាងឡាន ស្នាក់នៅភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (គ្មានសារធាតុញៀន) ។
៦-ឈ្មោះ អុល សុខគ្រីម ភេទប្រុស អាយុ២៦ឆ្នាំ ជនជាតិខែ្មរ មុខរបររត់តាក់ស៊ី ស្នាក់នៅភូមិកណ្តុល ឃុំជង្រក់ ស្រុកគង់ពិសី ខេត្តកពុងស្ពឺ (គ្មានសារធាតុញៀន) ។
៧-ឈ្មោះ ជា សិទ្ធ ភេទប្រុស អាយុ២៥ឆ្នាំ ជនជាតិខែ្មរ មុខរបរជងឡាន ស្នាក់នៅភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (គ្មានសារធាតុញៀន) ។
សម្ភារៈដកហូត ៖ មាន់ជល់ចំនួន០១ក្បាល, ប្រាក់រៀលចំនួន៣០៥.០០០រៀល , ម៉ូតូចំនួន០3គ្រឿង(១-ម៉ាក ស្មាស់ ពណ៌ខ្មៅ ពាក់ស្លាកលេខភ្នំពេញ1BV-7697 , ទី២-ម៉ាកវីវ៉ា ពណ៌ខ្មៅ ពាក់ស្លាកលេខភ្នំពេញ 1BC-1529 និងទី២-ម៉ាកសេ១២៥ ពណ៌ខ្មៅ ផលិតឆ្នាំ២០១០ពាក់ស្លាកលេខភ្នំពេញ 1AN-2910 ៕ ដោយ៖ តុង សីហា