ខេត្តរតនគិរី ៖ កម្លាំងអធិការស្រុកបរកែវបានធ្វើការឃាត់ខ្លួនជនសង្ស័យម្នាក់ដែលជាប់ពាក់ព័ន្ឋករណីហឹង្សាដោយចេតនា(មានស្ថានទម្ងន់)បញ្ជូនទៅសាលាដំបូងខេត្ត។
ការឃាត់ខ្លួនជនសង្ស័យនេះបានធ្វើឡើងនៅវេលាម៉ោង១៧,០០នាទីថ្ងៃព្រហស្បតិ៍ ១០កើតខែជេស្ឋ ឆ្នាំចសំរិទ្ធស័កព.ស២៥៦២ត្រូវនឹងថ្ងៃទី២៤ខែឧសភាឆ្នាំ២០១៨នៅចំណុចភូមិសាលាឃុំកក់ស្រុកបរកែវខេត្តរតនគិរី។
ប្រភពពីសមត្ថកិច្ចបានឱ្យដឹងថាជនសង្ស័យដែលឃាត់ខ្លួនបាននោះឈ្មោះរ៉ាន់ រស្មី ភេទប្រុសអាយុ២៣ឆ្នាំជនជាតិច្រាយរស់នៅភូមិឃុំខាងលើដែលជាប់ ពាក់ព័ន្ឋករណីហឹង្សាដោយចេតនា(មានស្ថានទម្ងន់)កាលពីវេលាម៉ោង២១,០០នាទីថ្ងៃទី២០ឧសភាឆ្នាំ២០១៨នៅចំណុចផ្ទះជនរងគ្រោះស្ថិតក្នុងភូមិសាលាឃុំកក់ស្រុកបរកែវខេត្តរតនគិរី។
ជនសង្ស័យនោះបានកាប់ត្រូវជាច្រើនកាំបិតទៅលើ
ជនរងគ្រោះឈ្មោះសល់ បៀនភេទស្រីអាយុ២៨ឆ្នាំជនជាតិច្រាយបណ្តាលអោយរងរបួសយ៉ាងធ្ងន់ធ្ងរហើយសាច់ញ្ញាតិបានបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្ត។
ជនសង្ស័យសមត្ថមិច្ចកំពុងឃាត់ខ្លួននៅអធិការស្រុកដើម្បីបំពេញបែបបទបញ្ជូនទៅសាលាដំបូងខេត្តចាត់ការតាមនិតិវិធីច្បាប់៕ ដោយៈជីវ័ន្ត
