ខេត្តកំពង់ឆ្នាំង ៖ មិនភ្លេចទេវីរភាពអតីតយុទ្ធជន បូជាសាច់ស្រស់ឈាមស្រស់ក្នុងបុព្វហេតុការពារជាតិ!! នាព្រឹកថ្ងៃទីទី២៦ ខែឧសភា ឆ្នាំ២០១៨ ត្រូវនឹងថ្ងៃ១២កើត ខែជេស្ឋ ឆ្នាំច សំរិទ្ធិស័ក ព.ស២៥៦២ នៅស្រុកចំនួន២ គឺស្រុកជលគិរី និងស្រុកកំពង់លែង មានការរៀបចំ ពិធីអបអរសាទរខួបលើកទី១១ ទិវាអតីតយុទ្ធ ជនកម្ពុជា ២១មិថុនា និងបំពាក់មេដាយការពារជាតិជូនដល់អតីតយុទ្ធជនផងដែរ ។
ពិធីនេះមានការអញ្ជើញចូលរួមពីលោក ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ថ្នាក់ដឹកនាំក្រោមឱវាទ និងមានការចូលរួមសរុប៣៣២នាក់ ក្នុងនោះអតីតយុទ្ធជនមាន២៤៣នាក់។
នៅក្នុងពិធីនេះ លោករដ្ឋមន្ត្រីក៏បានបំពាក់មេដាយជូនអតីតយុទ្ធជនដែលបានបូជាសាច់ស្រស់ឈាមស្រស់ក្នុងបុព្វហេតុការពារជាតិនាពេលកន្លងមក ។ ឆ្លៀតក្នុងឱកាសនោះដែរគណៈប្រតិភូក៏បាននាំអំណោយសម្តេចតេជោ ហ៊ុន សែន ចែកជូនដល់អ្នកចូលរួមដោយក្នុងម្នាក់ៗទទួលបានឃីតមួយកញ្ចប់ផងដែរ ៕ នគរដ្រេហ្គន
