ខេត្តកំពង់ស្ពឺ៖ បុរសចំណាស់ម្នាក់ត្រូវបានប្រជាពលរដ្ឋប្រទះឃើញយកក្រមាចង.កភ្ជាប់និងដើមឈើសម្លាប់ខ្លួនសង្ស័យមានវិបត្តិក្នុងគ្រួសារទើបសម្រេចចិត្តបែបនេះ ។
ហេតុការណ៍ភ្ញាក់ផ្អើលឃើញបុរសវ័យចំណាស់ចង.កនេះកាលពីវេលាម៉ោង១០និង១០នាទីព្រឹកថ្ងៃទី១៣ ខែវិច្ឆិកា ឆ្នាំ២០១៥ នៅចំណុចវាលស្រែក្រោយភូមិចំងាយ៥០០ម៉ែត្រស្ថិតក្នុងភូមិត្រពាំងប្រិយ ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ ។
នគរបាលបាននិយាយឲ្យដឹងថា បុរសវ័យចំណាស់រងគ្រោះមានឈ្មោះ ឌឹម ប៉ាក អាយុ៥២ឆ្នាំមុខរបរធ្វើស្រែ រស់នៅក្នុងភូមិត្រពាំងប្រិយ ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ ។
នគរបាលបានបន្តទៀតថា នៅមុនពេលប្រទះឃើញសពគឺប្រជាពលរដ្ឋបានដើរទៅមើលស្រែស្រូវរបស់ពួកគាត់ក៏ប្រទះឃើញបុរសរងគ្រោះបានយកក្រមាចង.កភ្ជាប់ជាមួយដើមឈើបណ្តាលឲ្យស្លាប់បាត់ទៅហើយ រួចក៏រាយការណ៍ទៅនគរបាលជំនាញ ។
ក្រោយពីទទួលបានដំណឹងនគរបាលជំនាញបានចុះទៅពិនិត្យសព សន្និដ្ឋានថាពិតជាស្លាប់ដោយចងកពិតប្រាកមែន ។
ក្រោយពិនិត្យក៏ប្រគល់សពឲ្យសាច់ញាតិក្រុមគ្រួសារយកទៅធ្វើបុណ្យតាមប្រពៃណី ហើយសាច់ញាតិបាននិយាយថា បុរសរងគ្រោះរាល់ថ្ងៃតែងតែផឹកស្រាស្រវឹងរាល់ថ្ងៃ ហើយមិនដឹងថាមានរឿងអ្វីពិតប្រាកដនោះទេ តែងតែរវើរវាយនិយាយមិនដឹងខុសមិនដឹងត្រូវ ៕
ដោយ៖ សេនា សក្តិ
