ភ្នំពេញ៖ កម្លាំងសមត្ថកិច្ចនគរបាលខណ្ឌជ្រោយចង្វាឃាត់ខ្លួនជនសង្ស័យ៤នាក់ពាក់ព័ន្ធបទល្មើសគ្រឿងញៀន ប្រតិបត្តិការនេះធ្វើឡើង កាលពីម៉ោងជិត៣ទៀបភ្លឺ ថ្ងៃទី១៣ ខែវិច្ឆិកា ឆ្នាំ២០១៥ នៅតាមបណ្តោយផ្លូវជាតិលេខ៦ ខាងមុខក្រុមហ៊ុនគូបូតា ស្ថិតក្នុងភូមិគៀនឃ្លាំង សង្កាត់-ខណ្ឌជ្រោយចង្វា រាជថានីភ្នំពេញ ។
យោងតាមរបាយការណ៍របស់សមត្ថកិច្ចនគរបាលខណ្ឌជ្រោយចង្វាបានឲ្យដឹងថា ជនសង្ស័យទាំង៤នាក់ដែលឃាត់ខ្លួនខាងលើមានឈ្មោះ ទី១- ឈ្មោះ ចាន់ ង៉ែត ភេទប្រុស អាយុ២០ឆ្នាំ មុខរបរចុងភៅ ស្នាក់នៅភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វា ទី២- ឈ្មោះ គីម ឡុង ភេទប្រុស អាយុ២៦ឆ្នាំ មុខរបរចុងភៅ ស្នាក់នៅភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វា ទី៣- ឈ្មោះ រត្ន័ គ្រុយ ភេទប្រុស អាយុ២៧ឆ្នាំ មុខរបរកម្មករ នៅភូមិក្រោម ឃុំព្រែកអញ្ចាញ ស្រុកមុខកំពូល ខេត្តកណ្តាល និងទី៤- ឈ្មោះ លី សុវណ្ណ ភេទប្រុស អាយុ២៩ឆ្នាំ មុខរបរកម្មករបូមខ្សាច់ មានទីលំនៅភូមិក សង្កាត់ច្រាំងចំរេះទី២ ខណ្ឌឬស្សីកែវ ។
នៅក្នុងប្រតិបត្តិការឃាត់ខ្លួនជនសង្ស័យទាំង៤នាក់នេះ សមត្ថកិច្ចនគរបាលដកហូតបានវត្ថុតាងរួមមានគ្រឿងញៀនប្រភេទម៉ាទឹកកកចំនួន៤កញ្ចប់តូច ម៉ូតូ២គ្រឿង និងសម្ភារះមួយចំនួនទៀត ។
បច្ចុប្បន្នជនសង្ស័យទាំង៤នាក់រួមជាមួយវត្ថុតាង កំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌជ្រោយចង្វា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនិតិវិធី ៕
ដោយ៖ ជ្រោយពេជ្រ
