ភ្នំពេញ៖ រនាំងដែកពុះចែកទ្រូងផ្លូវចនួន៨ផ្ទាំងរងកាខូចខាតបាក់រាបដល់ដី ខណៈដែលមានរថយន្តTAXI ម៉ែត្រ១គ្រឿរបស់ក្រុមហ៊ុន CHOICE បានបើកបោះពួយយ៉ាងលឿនហើយក៏រេចង្កូតទៅបុករងកាខូចខាតតែមិនមានអ្នករងរបួសទេ ។
គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៥និង៣០នាទីព្រឹក ថ្ងៃទី១៤ខែវិច្ឆិកាឆ្នាំ២០១៥ តាមបណ្តោយផ្លូវសហពន្ធ័រុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
រថយន្តបង្ករម៉ាក KIA ពណ៍លឿង ពាក់ស្លាកលេខ ភ្នំពេញ 2O.1075 បើកបរដោយបុរសម្នាក់ពុំស្គាល់អត្តសញ្ញាណក្នុងទិសដៅពីលិចទៅកើត លុះមកដល់ចំណុចកើតហេតុ ក៏រេចង្កូតទៅបុករនាំងដែកបាក់អស់ចំនួន៨ផ្ទាំងហើយរថយន្តរងការខូចខាតភ្លាមនោះអ្នកបើកបររត់គេចខ្លួនបាត់។
ក្រោយកើតហេតុ ក៏មាននគរបាលចរាចរណ៍ក្រុងមកស្ទួចរថយន្តបង្កយកទៅរក្សាទុកនៅការិយាល័យនគរបាលចរាចរណ៍ជើងគោករាជធានីភ្នំពេញរង់ចាំខាងក្រុមហ៊ុនចូលខ្លួនទៅដោះស្រាយនៅពេលក្រោយ ៕
ដោយ៖ តុង សីហា
