ឧត្តរមានជ័យ៖ មានករណីគ្រោះថ្នាក់ចរាចរណ៍ ឡានក្រឡាប់ ដែលបង្កឡើងដោយខ្លួនឯង នៅត្រង់ចំណុចភូមិថ្នល់បត់ សង្កាត់កូនគ្រៀល ក្រុងសំរោង ខេត្តឧត្តរមានជ័យ ហេតុការណ៍គ្រោះថ្នាក់ចរាចរណ៍នេះ បានកើតឡើង កាលពីវេលាម៉ោង១៥និង០០នាទី នៅថ្ងៃទី០៦ ខែមិថុនា ឆ្នាំ២០១៨។

សមត្ថកិច្ចបានអោយដឹងថា អ្នកបើកបរឈ្មោះ Malayeri Hossein ភេទប្រុស អាយុ៤៤ឆ្នាំ ជាជនជាតិ IRAN បើកបរពីទិសខាងជើងទៅទិសខាងត្បូង(រងរបួសធ្ងន់ បាក់កំភួនជើងខាងឆ្វេង) ។

ក្រោយកើតហេតុ កម្លាំងសមត្ថកិច្ចប៉ុស្ដិ៍បានចុះទៅដល់កន្លែងកើតហេតុ និងបានសហការជាមួយជំនាញចរាចរណ៍ខេត្តឧត្តរមានជ័យ និងបានហៅឡានពេទ្យដឹងអ្នករងរបួសទៅព្យាបាលនៅមន្ទីពេទ្យបង្អែកខេត្តឧត្តរមានជ័យ រីឯវត្ថុតាងយកទៅរក្សាទុកនៅស្នងការដ្ឋាននគរបាលខេត្ត៕