ហេតុការណ៍នោះបានកើតឡើងកាលពីវេលាម៉ោង៤និង ១០នាទីល្ងាច ថ្ងៃទី៨ ខែមិថុនា ឆ្នាំ២០១៨ នៅក្នុងភូមិព្រៃរងៀង សង្កាត់ភ្លើងឆេះរទេះ ខណ្ឌពោធិ៍សែនជ័យ។

បុរសរងគ្រោះខាងលើនោះមិនទាន់ត្រូវបានស្គាល់ឈ្មោះនៅឡើយទេ មានអាយុប្រហែល៣០ឆ្នាំ និងគ្រាន់តែដឹងថាគាត់មានស្រុកកំណើតនៅក្នុងខេត្តក្រចេះនិងស្នាក់នៅភូមិកើតហេតុខាងលើ។

តាមប្រភពព័ត៌មានបានឲ្យដឹងថា នៅមុនពេលកើតហេតុបុរសខាងលើរួមជាមួយក្រុមការងារបាននាំគ្នាឡើងផ្សាដំបូលសំយ៉ាបផ្ទះកម្ពស់ប្រហែល៤ម៉ែត្រ។ហើយខណៈពេលកំពុងផ្សាសុខៗស្រាប់តែមេឃបានធ្លាក់ភ្លៀង ប៉ុន្តែជនរងគ្រោះមិនព្រមឈប់ឡើយបានផ្សារទាំងមេឃភ្លៀង ក៏ត្រូវបានចរន្តអគ្គីសនីឆក់បណ្ដាលឲ្យធ្លាក់រងរបួសធ្ងន់ធ្ងរ។ភ្លាមៗនោះអ្នកភូមិបាននាំគ្នាយកទៅកប់ក្នុងដីខ្សាច់ជាការសង្គ្រោះបឋមរួចទើបហៅរថយន្តសង្គ្រោះអង្គភាព៧១១ ដឹកទៅកាន់មន្ទីរពេទ្យព្រះកុសុមៈដើម្បីសង្គ្រោះបន្ទាន់៕សុខាសែនជ័យ