ស្លាប់២នាក់របួសម្នាក់ គ្រោះថ្នាក់ចរាចរណ៍លើផ្លូវជាតិ លេខ៤ ចន្លោះបង្គោលគីឡូម៉ែត្រលេខ134-135

ចែករំលែក៖

ខេត្តព្រះសីហនុ៖ វេលាម៉ោង ២២’០០នាទី យប់ថ្ងៃទី ០៨ ខែមិថុនា ឆ្នាំ ២០១៨ មានគ្រោះថ្នាក់ចរាចរណ៍មួយកើតឡើងលើផ្លូវជាតិលេខ ៤ ចន្លោះបង្គោលគីឡូម៉ែត្រលេខ 134-135 ភូមិបឹងត្រាច ឃុំចំការហ្លួង ស្រុកកំពង់សីលា ខេត្តព្រះសីហនុ បង្កដោយរថយន្តម៉ាក ISUZU ចង្កូតស្តាំ ពណ៌ទឹកប្រាក់ ពាក់ស្លាកលេខ ក្រ.ព្រះសីហនុ 2A-2417 មានទិសដៅពីភ្នំពេញទៅខេត្តព្រះសីហនុ បានរេចង្កូតចូលទៅបុករថយន្ត បែន ម៉ាក HYUNDAI ក្បាលពណ៌ស ទ្រុងពណ៌ស ពាក់ស្លាកលេខ ព្រះសីហនុ 3A-6591 ដែលមានទិសដៅបញ្ច្រាស់ទិសគ្នា បណ្តាលអោយអ្នកជិះក្នុងរថយន្តISUZU មានគ្នា បីនាក់ ក្នុងនោះស្លាប់ ០២នាក់ និងរបួសធ្ងន់០១នាក់។

ជនរងគ្រោះ មានឈ្មោះ

១/ ឈ្មោះ ម៉េង និត ភេទប្រុស អាយុ ២៤ឆ្នាំ ជនជាតិខ្មែរ ជាអ្នកបើកបរ(ស្លាប់នៅនឹងកន្លែងកើតហេតុ)

២/ ឈ្មោះ មាស ចិត្រា ភេទប្រុស អាយុ ២៣ឆ្នាំ ជនជាតិខ្មែរ(ស្លាប់នៅនឹងកន្លែងកើតហេតុ)

៣/ ឈ្មោះ មិន ណែត ភេទប្រុស អាយុ៣១ឆ្នាំ ជនជាតិខ្មែររបួសធ្ងន់ (ត្រូវបានកម្លាំង អាវុធហត្ថ ស្នាក់ការសនិ្តសុខ ៤០២ សហការជាមួយកម្លាំងនគរបាលស្រុកកំពង់សីលា បញ្ជូនទៅមន្ទីរពេទ្យបង្អែកស្រុកស្រែអំបិល។ ជនរងគ្រោះ ទាំង៣នាក់ រស់នៅភូមិអូរត្រេះ ឃុំអូត្រេះ ស្រុកស្ទឹងហាវ ខេត្តព្រះសីហនុ។ ចំណែកអ្នកបើកបររថយន្តបែនបានរត់គេចបាត់។ ចំណែករថយន្តសមត្តកិច្ចកំតែចាត់ចែងបន្តតាមនិតិវិធី៕ ឆ្លាម សមុទ្រ