ខេត្តត្បូងឃ្មុំ៖ យ៉ាងហោចណាស់ពលរដ្ឋប្រុស ស្រី ក្មេង ចាស់ សរុប១៣នាក់ ដែលរស់នៅក្នុងភូមិព្រះធាតុ ឃុំព្រះធាតុកណ្តាល ស្រុកអូររាំងឪ ខេត្តត្បូងឃ្មុំត្រូវបានបញ្ជូនភ្លាមៗទៅកាន់មន្ទីរពេទ្យបង្អែកស្រុកអូររាំងឪ បន្ទាប់ពីពួកគាត់ទាំងអស់នេះនាំគ្នាដកផ្សិតធ្វើជាម្ហូបបរិភោគជាមួយបាយ។ ហេតុការណ៍នេះបានកើតឡើងកាលពីវេលាម៉ោង១១ព្រឹក ថ្ងៃទី៧ ខែកក្កដា ឆ្នាំ២០១៥។ សេចក្តីរាយការណ៍បានបញ្ជាក់ថា ពលរដ្ឋរងគ្រោះទាំង១៣នាក់ឈ្មោះ៖ ១. ណុប ណៃសឿន ភេទស្រី ២. ណន ស្រីនីត ភេទ ស្រី ៣. ស្រ៊ា ដាលីន ភេទប្រុស ៤. ប៉ុន ប៉ូ ភេទប្រុស ៥. វាំង ស្រីតូច ភេទស្រី ៦. តាឃុន ភេទប្រុស ៧. យាយហុំ ភេទស្រី ៨. វា ក្លឿ ភេទប្រុស ៩. ឃុន ថុន ភេទស្រី ១០. ហ៊ន់ ភេទស្រី ១១. ធឿន សាម៉េត ភេទស្រី ១២. សម្បត្តិ រឿន ភេទប្រុស និង១៣. ថើង លាង ភេទស្រី ។ បច្ចុប្បន្នជនរងគ្រោះកំពុងសម្រាកព្យាបាលនៅមន្ទីរបង្អែកស្រុកអូរាំងឪ ហើយបើតាមក្រុមគ្រូពេទ្យអះអាងថា ស្ថានភាពជំងឺមិនប៉ះពាល់ដល់អាយុជីវិតនោះទេ។ ទាក់ទងបញ្ហានេះដែរ លោកឧត្តមសេនីយ៍ស្នងការនគរបាលខេត្តត្បូងឃ្មុំ បានបញ្ជាឲ្យលោកវរសេនីយ៍ទោ លឿង រដ្ឋា អធិការនគរបាលស្រុកអូររាំងឪ បញ្ចេញកម្លាំងជាបន្ទាន់ដើម្បីជួយសង្គ្រោះ ប្រជាពលរដ្ឋដែលពុលផ្សិតទាំងនេះ ហើយក្នុងនោះលោក លី ឡេង អភិបាលរងខេត្តត្បូងឃ្មុំ ជាតំណាងដ៏ខ្ពង់ខ្ពស់ លោក ប្រាជ ច័ន្ទ អភិបាលនៃគណៈអភិបាលខេត្តត្បូងឃ្មុំ បានអញ្ជើញចុះសួរសុខទុក្ខ និងជួយឧបត្ថម្ភថវិកា២ម៉ីនរៀល ក្នុង១នាក់ៗផងដែរ៕ វណ្ណៈ
