សត្វក្របីជាង៤០ក្បាលក្នុងមួយរថយន្តប្រុងលោតឆត្រទៅវៀតណាមត្រូវគយចាប់បានមួយដង្ហើមចង្រឹតក៏ដោះលែងទៅវិញ

ចែករំលែក៖

ប៉ោយប៉ែត ៖ ក្របីមួយរថយន្តយីឌុបស្មើរជាង៤០ក្បាលដឹកចេញពីបន្ទាត់ព្រំដែនក្នុងស្រុកអូរជ្រៅត្រូវមន្ត្រី​គយ​ចល័តធ្វើការឃាត់ទុកព្រោះចង់លោតឆត្រទាំងមិនទាន់មានឯកសាគ្រប់គ្រាន់ពីមន្ត្រីជំនាញ។ការឃាត់រថយន្តដឹកក្របីនេះធ្វើឡើងនៅលើដងផ្លូវជាតិលេខ5មុខទីតាំងគយចល័តនៅខាងលិចស្ពានទឹកថ្លាសង្កាត់ទឹកថ្លាក្រុងសិរីសោភ័ណរសៀលម៉ោង៥និង២៤ ថ្ងៃអង្គារ ១រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១២ ខែមិថុនា ឆ្នាំ២០១៨ ។

ក្របីទាំងនេះដឹកតាមរថយន្តយីឌុបម៉ាកHINOចង្កូតឆ្វេងពាក់ស្លាកលេខស្វាយរៀង3A.0750។

ប្រភពពីមន្ត្រីជំនាញនិយាយថាក្របីទាំងនេះនាំចូលតាមរយៈក្រុមហ៊ុនមានច្បាប់ត្រឹមត្រូវប៉ុន្តែមិនបានទៅ​បង់ពន្ធឆ្លងកាត់នៅការិយាល័យគយច្រកតំបន់បឹងត្រកួនឲ្យបានត្រឹមត្រូវទេ។បញ្ហាខាងលើនេះអ្នកសារព័ត៌មានមិនអាចទាក់ទងសុំការបំភ្លឺពីក្រុមហ៊ុននាំចូលសត្វក្របីពីថៃដែលសមត្ថកិច្ចជំនាញចាប់ខាងលើបានឡើយដោយមិនស្គាល់លេខទូរស័ព្ទ ។ ម្យ៉ាងនៅចំណុចកើតហេតុគេឃើញមានតែអ្នកបើកបររថយន្តដឹកក្របីនិងកម្មកររួមដំណើរហើយពេលសាកសួរពួកគាត់មិននិយាយស្តីដោយគ្រាន់តែប្រាប់ថាពួកគាត់ធ្វើការយកតែប្រាក់ខែមិនដែលដឹងថាសត្វក្របីទាំងនេះជារបស់ក្រុមហ៊ុនឈ្មោះអ្វីឡើយ។ពួកគាត់ថាសត្វក្របីទាំងនេះនិងដឹកទៅដល់ព្រំដែនកម្ពុជាវៀតណាមខេត្តស្វាយរៀង។

ជុំវិញករណីខាងលើនេះលោកឈួន សុធាសុវណ្ណារីប្រធានស្នាក់ការគយចល័តប្រចាំខេត្តបន្ទាយមានជ័យប្រាប់តាមទូរស័ព្ទថាចំពោះក្របីដែកក្រុមការងារបានស្ទាក់ទុកនោះបានដោះលែងហើយបន្ទាប់ពីម្ចាស់បំពេញឯកសារបង់ពន្ធឆ្លងកាត់។

លោកបញ្ជាក់ថានេះជាលើកទីមួយហើយដែលកម្លាំងលោកសហការជាមួយមន្ត្រីគយបឹងត្រកួន ឃាត់រថយន្ត​ដឹកក្របីឲ្យបង់ពន្ធចូលរដ្ឋ​។ ចំពោះរាល់ដងដែលក្រុមហ៊ុនដឹកក្របីក្រុមមន្ត្រី​របស់លោកមិនបានឃាត់ក៏ដោយក៏មន្ត្រីគយនៅតាមបណ្តាខេត្តតាមឃាត់ដើម្បីចូលបង់ពន្ធជូនរដ្ឋដែរ ៕ ​វណ្ណា

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print