ភ្នំពេញ ៖​ ស្ត្រីម្នាក់បានទៅវាយថៅកែហាងម៉ាស្សាកោសជប់ដល់ផ្ទះបណ្តាលអោយរងរបួសដោយចោទប្រកាន់ថាស្រ្តីរងគ្រោះមកទាក់ទងប្តីខ្លួន។

ហេតុការណ៍នេះបានកើតឡើងកាលពីវេលាម៉ោង៣ទាបភ្លឺថ្ងៃទី១​២​ ខែមិថុនា​ ឆ្នាំ២០១៨​ នៅហាងម៉ាស្សាមួយកន្លែង​ ភូមិព្រៃទា​ សង្កាត់ចោមចៅ៣​ ខណ្ឌពោធិ៍សែនជ័យ​ រាជធានីភ្នំពេញ។

តាមតាមស្ត្រីរងគ្រោះបានអោយដឹងថា​ មុនពេលកើតហេតុរូបគាត់កំពុងអង្គុយលេងនៅក្នុងផ្ទះដែលបាន​បើកហាងម៉ាស្សាកោសជប់​ លុះមកដល់វេលាកើតហេតុស្រាប់តែមានអនុភូមិព្រៃទា​  បាននាំស្ត្រីម្នាក់មកចូលវាយមកដល់ក្នុងផ្ទះតែម្តងបណ្តាលអោយរងរបួសជាំភ្នែក​ ហើយបានចោទប្រកាន់ថារូបគាត់មានសាហាយស្មន់ជាមួយប្តីគាត់​។

សាក្សីបានបន្តថា​ រូបគាត់មិនដែលមានទំនាក់ទំនងជាមួយប្តីស្ត្រីបង្កនោះទេ​ គ្រាន់តែបុរសជាប្តីស្ត្រីបង្កធ្លាប់មកម៉ាស្សាកន្លែងគាត់តែប៉ុណ្ណោះ។  ចំណែកភាគីខាងស្ត្រីបង្កមិនអាចមានការបំភ្លឺអោយច្បាស់នោះទេ។ លុះរហូតមកដល់រសៀលថ្ងៃទី១២​ខែឆ្នាំដដែល​ ទើបស្ត្រីរងគ្រោះមកដាក់ពាក្យបណ្តឹងនៅនគរបាលប៉ុស្តិ៍ចោមចៅទី៣​ ដើម្បីសុំការអន្តរាគមន៍។ក្រោយមកសមត្ថកិច្ចបានចុះធ្វើការឃាត់ខ្លួននិងនាំយកមកសាកសួនិងដោះស្រាយតាមច្បាប់។

បន្ទាប់ពីឃាត់ខ្លួនជនបង្កនៅចំពោះមុខសមត្ថកិច្ចភាគីទាំងសងខាងបានសម្របសម្រួលគ្នាដោយភាគីខាងជនដៃដល់សងជំងឺចិត្តទៅលើស្ត្រីរងគ្រោះចំនួន៨០០ដុល្លារដើម្បីបញ្ចប់រឿង៕ សុខាសែនជ័យ