ខេត្តព្រៃវែង ៖ នៅទីបញ្ជាការដ្ឋាន នារសៀលថ្ងៃទី១៤ ខែមិថុនា ឆ្នាំ២០១៨ ត្រូវនឹងថ្ងៃព្រហស្បតិ៍ ២កើត ខែបឋមាសាឍ ឆ្នាំច សំរឹទ្ឋិស័ក ព.ស ២៥៦២ លោកវរសេនីយ៍ឯក កាន់ ទ្រី មេញ្ជាការរងកងរាជអាវុធហត្ថខេត្តព្រៃវែង ទទួលបន្ទុកការងារព័ត៌មានសន្តិសុខ បានដឹកនាំកិច្ចប្រជុំ បូកសរុបលទ្ឋផលការងារប្រចាំឆមាសទី១ ត្រួតពិនិត្យ និងពង្រឹងការងារជំនាញរបស់មន្ទីរបច្ចេកទេសសន្តិសុខ និងអង្គភាពចំណុះឲ្យមន្ទីរ។
កិច្ចប្រជុំមានការអញ្ជើញចូលរួមពីលោក នាយរងសេធិការទទួលបន្ទុក លោកប្រធានមន្ទីរបច្ចេកទេសសន្តិសុខ អនុប្រធានមន្ទី នាយការិយាល័យ និងមេបញ្ជាការរងក្រុង-ស្រុកទទួលការងារសន្តិសុខ ។
លោកវរសេនីយ៍ឯក កាន់ ទ្រី មេញ្ជាការរងកងរាជអាវុធហត្ថខេត្តព្រៃវែង ទទួលបន្ទុកការងារព័ត៌មានសន្តិសុខ បានលើកឡើងនៅក្នុងកិច្ចប្រជុំ ដោយជំរុញឲ្យមន្ទីរបច្ចេកទេសសន្តិសុខ និងអង្គភាពចំណុះទាំងអស់ត្រូវខិតខំយកចិត្តទុកដាក់ពង្រឹងនូវជំនាញរបស់ខ្លួន ដើម្បីងាយស្រួលអនុវត្តន៍និងបំពេញ ភារកិច្ចនៅពេលក្រោយឲ្យបានល្អប្រសើរ ៕ នគរដ្រេហ្គន