ភ្នំពេញ៖ យុវជនម្នាក់បានរងរបួសធ្ងន់ និងម្នាក់ទៀតរងរបួសស្រាលត្រូវបានរថយន្ដសង្គ្រោះបន្ទាន់ដឹកយកទៅសង្គ្រោះនៅមុន្ទីរពេទ្យភ្លាមៗ ខណៈដែល ពួកគេជិះម៉ូតូពីរគ្រឿងបុគគ្នាពេញទំហឹង បង្កការគ្រោះថ្នាក់ ។
ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើង កាលពីវេលាម៉ោង១២និង១០នាទីរំលងអធ្រាត្រ ឈានចូលថ្ងៃទី១៧ ខែវិច្ឆិកា ឆ្នាំ២០១៥ នៅចំណុចខាងមុខភោជនីដ្ឋាន ចាយា តាមបណ្ដោយផ្លូវលេខ៦៣ ស្ថិតក្នុងសង្កាត់ បឹងរាំង ខណ្ឌដូនពេញ រាជធានីភ្នំពេញ ។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញមានយុវជនម្នាក់ជិះម៉ូតូមួយគ្រឿងម៉ាកហុងដា ឌ្រីមC110(សង់ប៊ិច) ពណ៍ក្រហម ពាក់ស្លាកលេខ ភ្នំពេញ1BH-7330 ធ្វើដំណើរតាមបណ្ដោយផ្លូវលេខ៦៣ ទិសដៅពីជើងទៅត្បូង(បញ្ច្រាសទិសចរាចរណ៍) លុះមកដល់ចំណុចកើតហេតុក៏ជ្រុលទៅបុកម៉ូតូម៉ាកហុងដា ឌ្រីមសង់C125 ពណ៍ខ្មៅ ពាក់ស្លាកលេខ កំពង់ចាម 1C-5570 ធ្វើដំណើរតាមបណ្ដោយលេខ៦៣ ទិសដៅពីត្បូងទៅជើងចំពីមុខ ពេញទំហឹងបណ្ដាលឲ្យរងរបួសទាំងសងខាងនិងម៉ូតូរងការខូចខាត ។
ក្រោយកើតហេតុនាក់រងរបួសត្រូវបានរថយន្ដសង្គ្រោះបន្ទាន់ដឹកយកទៅសង្គ្រោះនៅមុន្ទីរពេទ្យ ចំណែកម៉ូតូទាំងពីរគ្រឿង រងការខូចខាតយ៉ាងដំណំ បន្ទាប់មក កម្លាំងនគរបាលមូលដ្ឋានបានសហការណ៍ជាមួយ និងកម្លាំងនគរបាល ជំនាញវាស់វែងយកទៅរក្សាទុកនៅអធិការដ្ឋាននគរបាលខណ្ឌដូនពេញ ដើម្បីរង់ចាំធ្វើការដោះស្រាយនៅពេលក្រោយ ចំណេកអ្នករងរបួសត្រូវបានដឹកយកទៅសង្គ្រោះនៅមន្ទីរពេទ្យផងដែរ ៕
ដោយ៖ ព្រែកជ័យ
