ភ្នំពេញ៖ នៅវេលាម៉ោង១និង២០នាទីរំលងអធ្រាត្រ ឈានចូលថ្ងៃទី១៧ ខែវិច្ឆិកា ឆ្នាំ២០១៥ នៅតាមបណ្តោយផ្លូវព្រះមុនីវង្ស សង្កាត់បឹងកេងកងទី១ ខណ្ឌចំការមន កម្លាំងអាវុធហត្ថបានឃាត់ខ្លួនជនសង្ស័យ៣នាក់រួមនិងថ្នាំក្រាមពណ៍ស០៤កញ្ចប់តូច និងម៉ូតូ១គ្រឿងម៉ាកឃ្លីក ពណ៍ខ្មៅពាក់ស្លាកលេខស្វាយរៀង ១c ៥៧៤៣ ។
ជនសង្ស័យទី១ ឈ្មោះចាន់ណា យ៉ាង ភេទប្រុស អាយុ២៤ឆ្នាំ ជនជាតិវៀតណាម មុខរបរលក់ខោអាវនៅផ្សារអូឫស្សី ស្នាក់នៅផ្ទះជួល ម្តុំចំការដូង ទី២ឈ្មោះ យ៉ាង ចាន់ធី ភេទប្រុស អាយុ២០ឆ្នាំ ជនជាតិវៀតណាមមុខរបរលក់កាហ្វេ ស្នាក់នៅផ្ទះជួលម្តុំចាក់អង្រែក្រោម ខណ្ឌមានជ័យ ទី៣ឈ្មោះសំរឹទ្ធ សក្តិ ភេទប្រុស អាយុ២២ឆ្នាំ ជនជាតិខ្មែរមុខរបរមិនពិតប្រាកដ ស្នាក់នៅផ្ទះគ្មានលេខ សង្កាត់បឹងកេងកងទី៣ ខណ្ឌចំការមន ភ្នំពេញ ។
បច្ចប្បន្នជនសង្ស័យ រួមនឹងវត្ថុតាងត្រូវបានកងអាវុធហត្ថខណ្ឌចំការមនឃាត់ខ្លួនយកទៅសាកសួរកសាងសំណុំរឿងបញ្ជូនទៅអាវុធហត្ថរាជធានីភ្នំពេញ ៕
ដោយ៖ ស រស្មី
