ភ្នំពេញ: យុវជនម្នាក់ត្រូវនគរបាលប៉ុស្តិ៍អូរឡាំពិកឃាត់ខ្លួនបន្ទាប់ពីធ្វើសកម្មភាពឆក់ខ្សែកបានសម្រេចប៉ុន្តែរត់មិនរួចពីកណ្ដាប់ដៃសមត្ថកិច្ច ។
ហេតុការណ៍នេះកើតឡើងកាលពីវេលាម៉ោង ១និង៤០នាទីថ្ងៃត្រង់ ថ្ងៃអាទិត្យ ៤រោច ខែបថមាសាធ ឆ្នាំច សំរឹទ្ធស័ក ពស២៥៦២ ត្រូវនិងថ្ងៃទី១ ខែមិថុនា ឆ្នាំ២០១៨ ចំណុចមុខសកលវិទ្យាស្ថាន ធនធានមនុស្ស តាមបណ្ដោយផ្លូវលេខ១៦៣ ស្ថិតក្នុងសង្កាត់អូឡាំពិក ខណ្ឌចំកាមន រាជធានីភ្នំពេញ។
ជនសង្ស័យមានឈ្មោះ ឈួន ភក្តី ភេទប្រុស អាយុ២៩ឆ្នាំ មខរបរមិនពិតប្រកដ ស្នាក់នៅផ្ទះគ្មានលេខ ផ្លូវលំ សង្កាត់អូ១ ខេត្តព្រះសីហនុ ។
លោក អួន រតនះ នាយប៉ុស្តិ៍នគរបាលអូរឡាំពិកបានប្រាប់អោយដឹងថានៅមុនពេលកើតហេតុគឺជនរងគ្រោះបានចេញពីពិសាអាហានៅម្តុំទួលទំពូង ជាមួយមិត្តភ័ក្តជាង១០នាក់ គោលបំណងទៅធ្វើការវិញ ប៉ុន្តែនៅពេលដែលជិះមកដល់ចំណុចកើតហេតុខាងមុខសកលវិទ្យាស្ថាន ធនធានមនុស្សក៏មានជនសង្ស័យម្នាក់ជិះម៉ូតូមួួយគ្រឿងម៉ាក ហុងដា ស្កុបពី ពណ៍ស ពាក់ស្លាកលេខ បាត់ដំបង 1N-3209 ធ្វើដំណើតាមបណ្ដោយផ្លូវលេខ១៦៣ ទិសដៅពីត្បូងទៅជើងមកពីក្រោយជនរងគ្រោះក៏ធ្វើសកម្មភាពឆក់ខ្សែកបានសម្រេច ប៉ុន្តែក៏ត្រូវនគរបាលប៉ុស្តិ៍អូឡាំពិកល្បាត់ ឃើញទាន់ឃាត់ខ្លួនជាក់ស្តែងតែម្តង។
ក្រោយពីសមត្ថកិច្ចប៉ុស្តិ៍អូឡាំពិកសាកសួរជនសង្ស័យខាងលើបានសារភាពថាកាលពីយប់មិញរូបខ្លួនបានលេងល្បែងនិង ព្រោះតែ Portugal និង Argentina យប់មិញចាញ់ធ្វើអោយធ្វើអោយរូបខ្លួនសម្រេចចិត្តឆក់ខ្សែកតែមង្ត។
បច្ចុប្បន្នជនសង្ស័យខាងលើរួមនិងវត្ថុតាងត្រូវបាននគរបាលប៉ុស្តិ៍នគរបាលរដ្ឋបាលអូឡាំពិកសួរនាំ និង កសាងសុំណុំរឿងបញ្ជូនខ្លួនទៅអធិការដ្ឋាននគរបាលខណ្ឌចំការមនចាត់ការតាមនិតិវិធីបន្ត៕
