តុលាការឃុំខ្លួន តៃកុងរថយន្តបើកបុកម៉ូតូស្លាប់ម្នាក់ រងរបួសធ្ងន់០២នាក់

ចែករំលែក៖

កណ្តាល៖នៅថ្ងៃទី១៤ កក្តដា ២០១៨ លោក អីុ សុវណ្ណ ចៅក្រមសើុបសួរសាលាដំបូងខេត្តកណ្តាល បានសម្រេចចេញដីការឃុំខ្លួន តៃកុងរថយន្តដែរបើកបុកម៉ូតូពីក្រោយខណៈអ្នកបើកម៉ូតូឆ្លងផ្លូវ  ស្លាប់ម្នាក់ រងរបួស០២នាក់ ដាក់ពន្ធនាគារបណ្តោះអាសន្នពីបទ”បើកបរបង្ករឲ្យរបួស និងស្លាប់អ្នកដ៍ទៃ” ដែលប្រព្រិត្តនៅចំណុចផ្លូវលេខ២១​ ស្ថិតនៅភូមិព្រែកសំរោង ឃុំរកាខ្ពស់ ស្រុកស្អាង​ ខេត្តកណ្តាល កាលពីថ្ងៃទី១៣ កក្តដា ២០១៨ តាមមាត្រា៨៣, ៨៥ នៃច្បាប់ស្តីពីចរាចរណ៍ផ្លូវគោក។

ជនត្រូវចោទមានឈ្មោះ ឃុន វិបាន ភេទប្រុស អាយុ១៩ឆ្នាំ មានទីលំនៅភូមិត្រាំត្រសរ ឃុំក្រាំងលាវ ស្រុកបាទី ខេត្តតាកែវ។ ចំណែកឯជនរងគ្រោះ ទី០១ឈ្មោះភួង ស្រីពៅ  ភេទស្រី អាយុ១១ឆ្នាំ មុខរបរសិស្ស មានទីនៅភូមិព្រែកសំរោង ឃុំរកាខ្ពស់ ស្រុកស្អាង ខេត្តកណ្តាល(ស្លាប់នៅកន្លែងកើតហតុ)​ ទី០២ឈ្មោះ ភោគ សំអុល ភេទប្រុស អាយុ​៤១ឆ្នាំ មុខរបរបើកបររថយន្ត មានទីលំនៅភូមិត្រពាំងស្ដុកគ្រួស ឃុំអូរ ស្រុកភ្នំស្រួច ខេត្តកំពង់ស្ពឺ និងទី០៣ឈ្មោះភួង សុគុន្ធ ភេទស្រី អាយុ៣២ឆ្នាំ  មុខរបរ កម្មកានី អ្នកទាំងពីរងរបួសធ្ងន់។

នគរបាលស្រុកស្អាងបានអោយដឹងថា មុនពេលកើតហេតុមានម៉ូតូ​ម៉ាកហុងដា សេ១២៥ (សេរី២០១៦) ពណ៌ខ្មៅ​ ពាក់ផ្លាកលេខ ភ្នំពេញ1FL-2772 បើកបរដោយឈ្មោះ​ភោគ សំអុល  (មិនពាក់មួក) រួមដំណើរជាមួយឈ្មោះភួង សុគុន្ធ និងឈ្មោះភួង ស្រីពៅ  បានបើកបរម៉ូតូក្នុងទិសដៅពីត្បូងមកជើង  ។  លុះមកដល់ចំណុចកើតហេតុអ្នកបើកបរម៉ូតូខាងលើបានបត់ឆ្វេងឆ្លងផ្លូវពីកើតមកលិច ធ្វើឲ្យអ្នកបើករថយន្តម៉ាកហ៊ិនដាយ ពណ៌ស គ្នានផ្លាក ដែលកំពុងបើកស្របទិសគ្នាពីត្បូងមកជើង គេចមិនទាន់ក៏បុកពីក្រោយ បណ្ដាលឲ្យដួលម៉ូតូខ្ទាតមនុស្សចូលក្រោមកង់រថយន្ត  ហើយត្រូវរថយន្តកិនស្លាប់០១នាក់ស្រីនិងរង
របួសធ្ងន់០១នាក់ស្រី ស្រាល០១នាក់ប្រុស  ។ អ្នករងរបួសត្រូវបានក្រុមគ្រួសារដឹកយក មកសង្គ្រោះនៅមន្ទីរពេទ្យភ្នំពេញ ។ ចំណែកសាកសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី រីឯអ្នកបើកបររថយន្តបានឃាត់ខ្លួន យកមកសាកសួរនៅអធិការដ្ឋាន  ។

បន្ទាប់ពីសមត្ថកិច្ចធ្វើការពិនិត្យនិងវាស់វែងទីកន្លែងកើតហេតុរួច បានយកវត្ថុតាងទាំងពីរមករក្សាទុកនៅអធិការដ្ឋាន នគរបាលស្រុកស្អាង ដើម្បីកសាងសំណុំរឿងទៅតាមនីតិវិធី។

ករណីនេះបង្កឡើងដោយអ្នកបើកម៉ូតូធ្វេសប្រហែស ខ្ចីខ្ចា ខ្វះការប្រុងប្រយ័ត្ន ក្នុងពេលឆ្លងផ្លូវ ចំណែកអ្នបើករថយន្តបើកក្នុងល្បឿនលឿន ហើយខ្វះការប្រុងប្រយ័ត្ន ទើបបង្កឲ្យមានគ្រោះថ្នាក់ចរាចរណ៍កើតឡើង៕ ឆ ដា

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print