បន្លំជាព្រះសង្ឃ រំអុកសុំបិណ្ឌបាត្របច្ច័យពីប្រជាពលរដ្ឋឲ្យផ្ញើរលុយតាមវីង ត្រុូវអាវុធហត្ថខេត្តកណ្តាល បង្ក្រាបបាន

ចែករំលែក៖

ខេត្តកណ្តាល ៖ អនុវត្តន៍នូវភារកិច្ចស្នូលរបស់កងរាជអាវុធហត្ថ បង្ការ បង្ក្រាប និងសង្គ្រោះ ពិសេសប្រសាស្រ្តដឹកនាំ ព្រមទាំងការយកចិត្តទុកដាក់ដ៏ខ្ពង់ខ្ពស់ពីនាយឧត្តមសេនីយ៍ សៅ សុខា អគ្គមេបញ្ជាការស្តីទី នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និង​លោក បណ្ឌិត ​ម៉ៅ ភិរុណ អភិបាល​ខេត្ត​ និងជាប្រធានគណបញ្ជាការឯកភាពខេត្តកណ្តាល ដែលលោកតែងតែយកចិត្តទុកដាក់ តាស់តឿនក្រើនរម្លឹកដល់ មេបញ្ជាការគ្រប់កងឯកភាព ពង្រឹងការយកចិត្តទុកដាក់បញ្ហាសន្តិសុខ សណ្តាប់ធ្នាប់សង្គម បង្ក្រាបរាល់បទល្មើសគ្រប់ប្រភេទពិសេសបទល្មើសគ្រឿងញៀន បទល្មើសឆបោក ក្លែង លួចឆក់ ប្លន់ ឃាតកម្មជាដើម។

ជាក់ស្តែង នៅថ្ងៃទី ១៤.១៥.១៦ មានព្រះសង្ឃក្លែងមួយអង្គ បានទូរស័ព្ទមកប្រជាពលរដ្ឋសុំបិណ្ឌបាត្របច្ច័យយកទៅកសាងសមិទ្ធិផលក្នុងវត្ត “វិហារកោះអណ្តែត” ពេលនោះជនរងគ្រោះ បានឆ្លើយតបវិញថាៈ បានផ្តល់ជាបច្ច័យ ម្តងជាពីរដងរួចហើយ ពុំមានលទ្ធភាពផ្តល់បច្ច័យទៀតទេ សូមព្រះអង្គកុំទូរស័ព្ទមកទៀត តែព្រះសង្ឃអង្គនោះ នៅតែជ្រក់ជ្រេញបន្តទូរស័ព្ទជនរងគ្រោះជាច្រើនលើកច្រើនសារទាំងយប់ទាំងថ្ងៃ រកពេលសម្រាកគ្មាន។ ដោយមានការធុញទ្រាន់ និងមានកិច្ចការច្រើនផងក៍បានប្តឹងមកជំនាញ អហ ។ នៅក្នុងការសារសងតាមទូរស័ព្ទ ព្រះសង្ឃក្លែងរូបនោះបានពោលពាក្យមិនគប្បីជាអ្នកបួសរៀនទេ និងបានប្រមាថដាក់ទំនាយមកលើជំនាញទៀតផង។ ដោយយល់ឃើញថាៈ ពាក្យសម្តីមិនសមរម្យបែបនេះ ធ្វើឲ្យមានការសង្ស័យជំនាញ អហ បានធ្វើការស្រវជ្រាវនិងធ្វើការទំនាក់ទំនងជាមួយព្រះចៅអធិការវត្ត ព្រះនាម ឈឹម សុផល គង់នៅវត្ត “វិហារកោះអណ្តែត” នៅស្រុកពញាឮ ខេត្តកណ្តាល រហូតបានដឹងថាៈ ព្រះសង្ឃអង្គនោះគង់នៅក្នុងវត្តនោះ ក៏បានអញ្ជើញមកសាកសួរនៅអង្គភាពវេលាល្ងាចថ្ងៃទី១៧ ខែកក្កដា ឆ្នាំ២០១៨។

+តាមការបំភ្លឺរបស់ព្រះសង្ឃក្លែងអង្គនេះមានប្រវត្តិដូចខាងក្រោម៖

ឈ្មោះពិតប្រាកដ ប៉ោង វិត ឆ្នាំកំណើត ១៩៩៧ មានស្រុកកំណើត ភូមិស្យា ឃុំ.ស្រុកកណ្តៀង ខេត្តពោធិ៍សាត់ ឪពុកឈ្មោះ ចេង ប៉ោង (ស្លាប់) ម្តាយឈ្មោះ ស្រី លាង (កសិករ) រស់នៅភូមិ.ឃុំទួលតាឯក ក្រុង.ខេត្តបាត់ដំបង បានបួសជាព្រះសង្ឃគង់នៅវត្ត “សូរិយា” នៅសង្កាត់រលាប ក្រុង.ខេត្តពោធិ៍សាត់ ក្នុងឆ្នាំ២០១០ ក្រោយមកបានមកគង់នៅវត្ត “បុទុមវត្តី” ភ្នំពេញ រយៈពេល០៦ឆ្នាំ ចេញមករៀនបន្តនៅវត្ត “ពោធិ៍វាល” ខេត្តបាត់ដំបង រួចចេញពីនោះ មកគង់នៅវត្ត “ទេពសន្យា” ស្រុកកណ្តៀង ខេត្តពោធិ៍សាត់ នៅក្នុងឆ្នាំ២០១៨ មុនចូលឆ្នាំខ្មែរ។ ក្រោយចូលឆ្នាំខ្មែរ មកគង់នៅវត្ត “សារ៉ាវ័ន្ត” បន្ទាប់មកចេញមកវត្ត “ពុទ្ធមណ្ឌល” បានមួយរយៈក៏បានមកគង់នៅវត្ត “វិហារកោះអណ្តែត” ស្ថិតក្នុងភូមិភ្នំបាត ឃុំផ្សារដែក ស្រុកពញាឮ ខេត្តកណ្តាល។

រយៈកាលប៉ុន្មានខែមុន “ខ្ញុំបានមកផ្ទះជនរងគ្រោះ  ហើយទំនាក់ទំនងបានជួបគាត់ដោយផ្ទាល់ សុំបិណ្ឌបាត្របច្ច័យពីគាត់បានចំនួន២០០ដុល្លា ក្រោយមកបាន៥០ដុល្លាទៀត តាមរយៈដក “វីង”។ រហូតមកដល់ថ្ងៃទី១៤ ខែកក្កដា ឆ្នាំ២០១៨ ខ្ញុំបានទូរស័ព្ទទៅជនរងគ្រោះជាថ្មីទៀត សុំបិណ្ឌបាត្របច្ច័យកសាងរោងបាយនៅក្នុងវត្ត “វិហារកោះអណ្តែត” ពេលនោះជនរងគ្រោះមិនបានឆ្លើយតបទេ ខ្ញុំនៅតែទូរស័ព្ទទៅគាត់ជាច្រើនលើកច្រើនសារម្តងហើយម្តងទៀត រហូតដល់គាត់បានប្រាប់ខ្ញុំទាក់ទងទូរស័ព្ទជាមួយកូនចៅរបស់គាត់វិញ។ បន្ទាប់ពីទាក់ទងជាមួយកូនចៅគាត់ហើយ កូនចៅគាត់នោះបានឲ្យខ្ញុំមកយកបច្ច័យចំនួន២០០ដុល្លា នៅផ្ទះគាត់ ប៉ុន្តែខ្ញុំបដិសេធមិនទៅទេ ឲ្យផ្ញើតាម “វីង” មកព្រោះខ្ញុំធ្លាប់ត្រូវបានគេម្នាក់ (មិនបញ្ចេញឈ្មោះ) ហៅខ្ញុំទៅយកប្រាក់បច្ច័យដូចគ្នា ហើយបានហៅសមត្ថកិច្ចមកឃាត់ខ្ញុំតែម្តង ហេតុដូចនេះទើបខ្ញុំមិនហ៊ានមកយក នៅផ្ទះគាត់។ ចំពោះការសុំបច្ច័យពីជនរងគ្រោះ គឺខ្ញុំបានទូរស័ព្ទទៅរកគាត់ផងនិងកូនចៅរបស់គាត់ផងរាល់ថ្ងៃរាល់ម៉ោងរាល់ពេល គឺនៅថ្ងៃទី១៤.១៥ និងថ្ងៃទី១៦ ខែកក្កដា ឆ្នាំ២០១៨ បន្ទាប់មកក៍មានសមត្ថកិច្ចអញ្ជើញរូបខ្ញុំមកសាកសួរតែម្តង។

* ជំនាញបានធ្វើការទំនាក់ទំនងទៅធម្មការក្រុងតាខ្មៅ ដើម្បីសាកសួរព័ត៌មាន និងបានឲ្យដឹងថាៈ

ព្រះសង្ឃព្រះនាម ប៉ោង វិត នេះត្រូវបានគណៈកម្មាការធម្មការខេត្តពោធិ៍សាត់បានផ្សឹករួចទៅហើយ កាលពីថ្ងៃទី០៥ ខែឧសភា ឆ្នាំ២០១៨ មូលហេតុ ដើររៃអង្គាសបច្ច័យដោយគ្មានការអនុញ្ញាតិពីព្រះចៅអធិការ និងមានស្រីញីទៀតផង ការផ្សឹកនេះធ្វើឡើងតាមសេចក្តីជូនដំណឹងរបស់សាលាគណរាជធានីភ្នំពេញ ហើយថ្មីៗនេះ បុគ្គលឈ្មោះ ប៉ោង វិត បានមកឆបោកប្រាក់ប្រជាពលរដ្ឋនៅក្នុងក្រុងតាខ្មៅ ដោយតាំងខ្លួនជាព្រះសង្ឃដដែល។

នៅព្រឹកថ្ងៃទី១៨ ខែកក្កដា ឆ្នាំ២០១៨ ជំនាញបានប្រគល់បុគ្គលឈ្មោះ ប៉ោង វិត ទៅឲ្យលោក ហ៊ីង សុភាព ប្រធានការិយាល័យធម្មការ និងសាសនាក្រុងតាខ្មៅ ជាមួយនឹងព្រះតេជគុណ ខេង លាងហ៊ី លេខាអនុគណក្រុងតាខ្មៅ ដើម្បីយកទៅសាកសួរ និងចាត់ចែងតាមពុទ្ធវិន័យ ដោយផ្សឹក និងឲ្យធ្វើកិច្ចសន្យា នៅវត្តព្រះពុទ្ធអណ្តែត ហៅវត្តព្រែកហូរ ស្ថិតក្នុងភូមិ.សង្កាត់ព្រែកហូរ ក្រុងតាខ្មៅ ខេត្តកណ្តាល។

*  ផ្សព្វផ្សាយដល់សាធារណជន មហាជន កុំឲ្យចាញ់បោកលោកក្លែងមួយនេះទៀត ព្រោះបោកគេបានច្រើនហើយ ទាំងអ្នកធំនិងអ្នកតូច ដោយមិនរើសមុខ 

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print