តុលាការរាជធានីភ្នំពេញសម្រេចឃុំខ្លួនបណ្តោះអាសន្នជនជាតិចិន៣នាក់ ករណីវាយរថយន្តស្ត្រីម្នាក់ខូចខាត និងរងរបួសធ្ងន់

ចែករំលែក៖

ភ្នំពេញ ៖ សាលាដំបូងរាជធានីភ្នំពេញបានសម្រេចធ្វើ ការចោទប្រកាន់ និងឃុំខ្លួនបណ្តោះអាសន្នលើជនជាតិ ចិន៣នាក់ បន្ទាប់ពីសាកសួរ ពាក់ព័ន្ធនឹងបទប៉ុនប៉ងឃាតកម្ម ។ នេះបើតាមលោក ប៊ុន ធី ចៅក្រមស៊ើបសួរ នៃសាលាដំបូងរាជធានីភ្នំពេញ នៅរសៀលថ្ងៃទី១៩ ខែកក្កដា ឆ្នាំ២០១៨នេះ ។

ជនសង្ស័យជនជាតិចិនទាំង៣នាក់ ត្រូវបាននគរបាលចាប់ឃាត់ខ្លួនកាលពីព្រឹកថ្ងៃទី១៣ ខែកក្កដា ឆ្នាំ២០១៨កន្លងទៅ នៅមុខហាងកាហ្វេតេស្ត ផ្លូវវេងស្រេង ឋិតក្នុងភូមិចោមចៅ២ សង្កាត់ចោមចៅ២ ខណ្ឌពោធិសែនជ័យ បន្ទាប់ពីពួកគេបាននាំគ្នាធ្វើសកម្មភាពយកដែកគាស់ថ្នាំងអំពៅ វាយលើរថយន្តស្ត្រីម៉ាកកាមរីបាឡែន ព័ណ៌ស ពាក់ស្លាកលេខភ្នំពេញ2AN-1659 ឲ្យខូចខាត និងរងរបួសធ្ងន់ធ្ងរ ។

លោក ប៊ុន ធី ចៅក្រមស៊ើបសួរ នៃសាលាដំបូងរាជធានីភ្នំពេញអោយដឹងថាជនជាតិចិន ៣នាក់ត្រូវបានសម្រេច ចេញដីកាបង្គាប់អោយ ឃុំខ្លួនបណ្តោះអាសន្ន ពីបទមនុស្សឃាត យោងតាមមាត្រា២៧ និងមាត្រា១៩៩ នៃក្រមព្រហ្មទណ្ឌ​​ ។

ជនជាតិចិនទាំង៣​នាក់ ១-ឈ្មោះ ZOU XINAN ភេទ​ប្រុស អាយុ​៤៤​ឆ្នាំ មុខរបរ​បុគ្គលិក​រោង​ចក្រ ទីលំនៅ​សព្វថ្ងៃ​ភូមិ​ព្រៃទា​១ សង្កាត់​ចោមចៅ​ទី​៣ ខណ្ឌ​ពោធិ៍សែន​ជ័យ រាជធានី​ភ្នំពេញ  ២-ឈ្មោះ QIU XINGJIE ភេទ​ប្រុស អាយុ​៣៨​ឆ្នាំ ទីលំនៅ​សព្វថ្ងៃ​នៅផ្ទះ​ជួល ភូមិ​ព្រៃទា​១ សង្កាត់​ចោមចៅទី​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ និង៣-ឈ្មោះ HU XUEHUA ភេទ​ប្រុស អាយុ​៣៨​ឆ្នាំ ទីលំនៅ​សព្វថ្ងៃ​នៅផ្ទះ​ជួល ភូមិ​ព្រៃទា​១ សង្កាត់​ចោមចៅ​ទី​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ។

ចំណែកស្រ្តីរងគ្រោះឈ្មោះ ហង់ ចាន់នី អាយុ ២៦ឆ្នាំ មុខរបរបុគ្គលិករោងចក្រស្បែកជើងទីលំនៅ ផ្ទះ165Eoz ផ្លូវ93 សង្កាត់មនោរម្យ ខណ្ឌ៧ មករារាជធានីភ្នំពេញ ៕ ជាយក្រុង

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print