ភំ្នពេញ៖ រថយន្តម៉ាកហ៊ីយ៉ាន់ដាយមួយគ្រឿងបើកលឿនហើយបានវាក់អើជាមួយរថយន្តក្រឡុកស៊ីម៉ងត៍ដែលបើកចេញពីការការដ្ឋានទើបបួងចង្កូតគេចធ្វើអោយជ្រុលទៅបុកចូលផ្ទះប្រជាពលរដ្ឋរងការខូចខាតយ៉ាងដំណំ។
ហេតុការណ៍នេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី២៣ខែកក្កដាឆ្នាំ២០១៨ នៅចំណុចខាងត្បូងមន្ទីរពេទ្យបញ្ញាស័ក្ក តាមបណ្តោយផ្លូវលេខ៣៧១ ស្ថិតក្នុងសង្កាត់បឹងទំពុន២ ខណ្ឌមានជ័យ។
តាមសាក្សីនៅកន្លែងកើតហេតុបានអោយដឹងថាមុនពេលកើតហេតុគេបានឃើញរថយន្តម៉ាកហ៊ីយ៉ាន់ដាយ ពណ៍ស ពាក់ស្លាកលេខភ្នំពេញ3B 6088 ធ្វើដំណើរតាមបណ្តោយផ្លូវលេខ៣៧១ក្នុងទិសដៅពីជើងទៅត្បូងខណះមកដល់ចំណុចកើតហេតុស្រាប់តែមានរថយន្តក្រឡុកស៊ីម៉ងត៍មួយគ្រឿងដែលបើកចេញពីការដ្ឋានធ្វើអោយរថយន្តហ៊ីយ៉ាន់ដាយចាប់ហ្វ្រាំងមិនទាន់ទើបបួងចង្កូតងាកមកខាងស្តាំជ្រុលចង្កូតទៅបុកចូលផ្ទះប្រជាពលរដ្ឋរងការខូចខាតសំយ៉ាបផ្ទះយ៉ាងដំណំតែសំណាងមិនមានមនុស្សរងរបួស។
ក្រោយពេលកើតហេតុម្ចាស់រថយន្តបង្កបានចេញថ្លៃជួសជុលទៅលើផ្ទះដែលខូចខាតដើម្បីបញ្ចប់រឿងដោយមិនរំខានដល់សមត្ថកិច្ច៕សុខាសែនជ័យ
