ខេត្តស្វាយរៀង: សមត្ថកិច្ចមូលដ្ឋានានធ្វើការឃាត់ខ្លួនបុរសម្នាក់នៅកណ្ដាលស្រែទាំងប្រផាត់ប្រផីង ក្រោយពីធ្វើសកម្មភាពកាច់សោ កម៉ូតូមួយគ្រឿងរបស់អ្នកដទៃ តែមិនបានសម្រេចម្ចាស់ឃើញទាន់បង្កការភ្ញាក់ផ្អើលពេញភូមិតែម្ដង។
ហេតុការណ៏ខាងលើនេះ បានកើតឡើងកាលពីថ្ងៃទី៤ ខែសីហា ឆ្នាំ២០១៨ វេលាម៉ោង៩និង១០នាទីព្រឹក ស្ថិតក្នុងភូមិតាពៅ សសង្កាត់បាវិត ក្រុងបាវិត ខេត្តស្វាយរៀង។
សមត្ថកិច្ចនគរបាលក្រុងបាវិតបានអោយកាសែតនគរវត្តដឹងថាជនសង្ស័យដែលសមត្ថកិច្ចឃាត់ខ្លួនមានឈ្មោះឡុង ឃ្លោក អាយុ២៨ឆ្នាំ ជនជាតិខ្មែរ មុខរបរកម្មករសំណង់ មានទីលំនៅភូមិពោធិរស់ឃុំបាសាក់ ស្រុកស្វាយជ្រុំ ខេត្តស្វាយរៀង។
ចំណែក ម៉ូតូដែលជនសង្ស័យធ្វើសកម្មភាពកាច់ករមិនបានសម្រេចម៉ាកយ៉ាម៉ាហាស៊ីរួត ពណ៌ក្រហមខ្មៅ គ្មានស្លាកលេខរបស់ជនរងគ្រោះឈ្មោះ ភោក ស៊ី ភេទប្រុស អាយុ៥៦ឆ្នាំ មុខរបរកសិករមានទីលំនៅភូមិបាវិតលើ សង្កាត់ បាវិត ក្រុងបាវិត ខេត្តស្វាយរៀង។
ប្រភពបន្តថា ក្រោយពីទទួលសេចក្ដីរាយការណ៏ពីប្រជាពលរដ្ឋជាម្ចាស់ម៉ូតូភ្លាមសមត្ថកិច្ចនគរបាលប៉ុស្ត៏សហការជាមួយនគរបាលក្រុងបានចុះមកអន្តរាគម៏ស្ទាក់ឃាត់ខ្លួនជនសង្ស័យបាននៅកណ្ដាលស្រែតែម្តង។
បច្ចុប្បន្នជនសង្ស័យ ត្រូវបានសមត្ថកិច្ចនគរបាលឃាត់ខ្លួនជាបណ្តោះអាសន្ន នៅប៉ុស្តិ៍នគរបាលរដ្ឋបាលបាវិត ដើម្បីបំពេញសុំណុំរឿង បញ្ជូនទៅការរិយាល័យជំនាញខេត្តស្វាយរៀងចាត់ការបន្តតាមច្បាប់ ៕
