ភ្នំពេញ៖ រថយន្តដឹកថ្មធុនធំបើកបត់ទៅប៉ះរថយន្តបាឡែនបណ្ដាលឲ្យបាក់កញ្ចក់ ហើយត្រូវបានបញ្ចប់រឿងត្រឹម80ដុល្លារ។ ហេតុការណ៍នេះបានកើតនៅវេលាម៉ោង10និ20យប់ ថ្ងៃទី20 ខែវិច្ឆិកា ឆ្នាំ2015 ស្ថិតតាមបណ្តោលផ្លូវ271 កែង432 សង្កាត់ទំនប់ទឹក ខណ្ឌចំការមន រាជធានីភ្នំពេញ ។
ប្រភពព័ត៌មានពីកន្លែងកើតហេតុបានអោយដឹងថា គេឃើញរថយន្តមួយគ្រឿងម៉ាកកាមរីឆ្លាម ពណ៌ស ពាក់ស្លាកលេខ ភ្នំពេញ 2S.1561ធ្វើដំណើរក្នុងទិសដៅពីកើតទៅលិច ខណៈដែលមកដល់ចំណុចកើតហេតុស្រាប់តែមានរថយន្តម៉ាកហ៊ីយ៉ានដាយ ពណ៌ស ពាក់ស្លាកលេខ ភ្នំពេញ 3C.4567 បើកទិសដៅស្រប់គ្នាលុះមកដល់ចំណុចកើតហេតុបត់ស្តាំចូលផ្លូវ432ទៅបុកផ្ទប់ជាប់រថយន្តបាឡែនបណ្តាលឲ្យមានការខូចខាតបាក់កញ្ចក់រលាត់ថ្នាំផ្នែកខាងឆ្វេង ។
ក្រោយពេលដែលមានការប៉ះទង្គិចគ្នាហើយនោះ ភាគីខាងរថយន្តបង្កចេញសងថ្លៃខូចខាងចំនួន80ដុល្លារទៅឲ្យរថយន្តរងគ្រោះដើម្បីបញ្ចប់រឿង ៕
ដោយ៖ ភារ៉ា ដង្កោ
