មន្ត្រីនគរបាល ម្នាក់ដកកាំភ្លើងបាញ់មេឃ១០គ្រាប់ផ្អើលទាំងថ្ងៃ

ចែករំលែក៖

ភ្នំពេញ៖ ហេតុការណ៍​ភ្ញាក់ផ្អើលមួយបន្ទាប់មន្ត្រីនគរបាលមួយរូបបានដកកាំភ្លើងបាញ់មេឃទាំងកណ្តាលថ្ងៃត្រង់ចំនួន១០គ្រាប់​ កាលពីវេលាម៉ោង ប្រហែលជាង២ រសៀល ថ្ងៃទី ៨ ខែសីហា ឆ្នាំ២០១៨ នៅចំណុច ចំណុចបន្ទប់ជួលជាន់ទី៣  ស្ថិតនៅក្នុងភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នពេញ​ហើយត្រូវបានសមត្ថកិច្ចចុះឃាត់ខ្លួនយកមកសាកសួរ។
បុរសនោះឈ្មោះ កែវ សុផល អាយុ៤០ឆ្នាំ មុខរបរជាមន្ត្រីនគរបាល អន្តរាគមន៍ពិសេស នៃអគ្គស្នងការនគរបាលជាតិ ស្នាក់នៅបន្ទប់ជួលជាន់ទី៣  ភូមិព្រៃទា​ សង្កាត់ចោមចៅទី៣​ ខណ្ឌពោធិ៍​សែនជ័យ​រាជធានីភ្នំពេញ​។
អ្នកភូមិនិយាយថា នៅវេលាកើតហេតុខាងលើពួកគាត់បានឃើញបុរសខាងលើឈរកាន់កាំភ្លើងនៅជាន់ទី៣ផ្ទះជួលខាងលើ បន្ទាប់មកស្រាប់បាញ់ឡើងលើជាច្រើនគ្រាប់តែម្ដងដោយមិនដឹងថាគាត់មានវិបត្តិអ្វីឡើយ។
ពេលនោះដោយខ្លាចមានគ្រោះថ្នាក់ពួកគាត់បាននាំគ្នារត់ចូលក្នុងផ្ទះទាំងព្រលឹងចុងសក់ ក្រោយមកបន្ទាប់ពីឃើញកម្លាំងនគរបាលខណ្ឌពោធិ៍សែនជ័យចុះទៅដល់ចំណុចកើតហេតុនិងធ្វើការឃាត់ខ្លួនបុរសខាងលើរួមទាំងដកហូតកាំភ្លើងខ្លីម៉ាកK៥៤មួយដើម​ និងរកឃើញសំកបកគ្រាប់ដែលបាញ់បោះចំនួន១០គ្រាប់។
បច្ចុប្បន្នបុរសខាងលើត្រូវបានកម្លាំងនគរបាលនាំខ្លួនយកទៅធ្វើការសាកសួរនៅអធិការដ្ឋាននគរបាលខណ្ឌពោធិ៍សែនជ័យរងចាំចាត់ការបន្ត៕សុខាសែនជ័យ

ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print